Сур'ёзна? Алімпійцы будуць плаваць у Сене? Насамрэч, афігенны праект адраджэння ракі
Купанне ў Сене, якая працякае праз Парыж, было забароненае з 1923 года. Улады горада скарысталіся з Алімпіяды, каб ажыццявіць унікальны праект вяртання ракі ў яе першародны стан. Гэта захапляльны прыклад для іншых гарадоў. У тым ліку на Свіслачы, Дзвіне і Нёмане.
Fluctuat nec mergitur — дэвіз Парыжа, «калыхаецца на хвалях, але не тоне». Горад узнік на востраве пасярод Сены, на якім стаіць Нотр-Дам. Парыж не ўявіць без Сены. Але, як і большасць рэк у вялікіх гарадах, людзі яе безнадзейна, здавалася, навек забрудзілі.
Як піша The Wall Street Jоurnal, з моманту выбару Парыжа ў якасці месца правядзення Алімпійскіх гульняў 2024 года, улады Францыі засяродзілі сваю ўвагу на Сене.
Па задумцы арганізатараў, рака стане цэнтральным пунктам цырымоніі адкрыцця Гульняў. Плануецца, што па ёй праплывуць лодкі з дэлегацыямі спартсменаў. Акрамя гэтага, спаборніцтвы трыятланістаў маюць прайсці на адкрытай вадзе Сены.
Выданне нагадвае, што калі Парыж у 1900 годзе ўпершыню прымаў Алімпійскія гульні, на рацэ прайшло сем розных спаборніцтваў па плаванні. Аднак калі французская сталіца ў 1924 годзе прыняла Алімпіяду другі раз, плаваць у Сене ўжо было забаронена.
Калі Жак Шырак быў мэрам Парыжа (1977-1995), яшчэ да таго, як стаў прэзідэнтам, ён заяўляў пра сваю мару зрабіць Сену чыстай ізноў. Ён абяцаў ачысціць Сену так, каб самому ў ёй сплаваць. І вось праз тры дзесяцігоддзі планы Шырака рэалізавала сённяшняя мэр горада Ан Ідальга.
Ачыстка Сены рэкламавалася як адно з ключавых дасягненняў у працэсе падрыхтоўкі да Алімпіяды-2024. Мерапрыемствы па зніжэнні ўзроўня шкодных бактэрый у вадзе каштавалі 1,5 мільярда еўра. Намаганні былі накіраваны на тое, каб у першую чаргу абмежаваць колькасць сцёкавых вод, якія трапляюць у раку з састарэлай каналізацыйнай сістэмы горада.
Для гэтага, сярод іншага, быў пабудаваны гіганцкі падземны рэзервуар глыбінёй 32 метры і шырынёй 50 метраў. Ён ужо працуе і прайшоў праверку боем: вытрымаў магутныя (менчукі не дадуць схлусіць) ліпеньскія залевы. Ліўнёўка больш не зліваецца ў Сену.
На мінулым тыдні за дзевяць дзён да цырымоніі адкрыцця Алімпіяды мэр Парыжа Ан Ідальга здзейсніла заплыў на сто метраў у Сене. У планах мэра адкрыццё трох гарадскіх пляжаў.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары