Расійскага сенатара вінавацяць у згвалтаванні масажысткі. Гісторыя цьмяная
Сенатара ад Курскай вобласці абвінавацілі ў згвалтаванні. Заяву на яго напісаў муж дзяўчыны, якая паехала з ім катацца на яхце.
Як распавёў мужчына паліцыянтам, яго жонка працуе масажысткай у клініцы ў Ленінградскай вобласці. 21 чэрвеня ёй патэлефанаваў яе пастаянны кліент, сенатар Аляксандр Брыксін, і прапанаваў дзяўчыне прыехаць у Маскву для «правядзення сеансаў масажу ў вадзе». Маўляў у Брыксіна была аперацыя і яму патрэбен быў такі масаж для аднаўлення. Дзяўчына пагадзілася і сенатар, нібыта, перавёў ёй задатак у памеры 50000 расійскіх рублёў (каля 570 даляраў), распавядае гісторыю «База».
Брыксін зняў Ірыне (імя зменена) нумар у гатэлі «Меркурый». 22 чысла дзяўчына прыехала ў Маскву і пайшла з Брыксіным адзначыць яе прыезд. Пасля гэтага, па словах заяўніка, сенатар прапанаваў Ірыне пакатацца на яго яхце.
Далей, як распавяла жанчына мужу, Аляксандр пачаў настойліва яе мацаць і яна вырашыла адсесці. Аднак, па яе словах, Брыксін усё роўна зняў з сябе і з дзяўчыны вопратку і ў іх адбыўся палавы акт. Усё гэта было, па яе словах, супраць яе волі.
Каля 20 вечара пара вярнулася з прагулкі на яхце і дамовілася сустрэцца на наступную раніцу ў гатэлі «Пётр 1» для сеансу масажу. Пасля масажу, паводле слоў мужа Ірыны, Брыксін з дзяўчынай падняліся да яго ў нумар. Там ён расплаціўся за паслугу, пасля чаго дзяўчына зʼехала ў Санкт-Пецярбург.
Ці было насамрэч згвалтаванне ці не цяпер высвятляюць следчыя.
Каментары