Яго фаварытамі называюць зборныя Францыі, Англіі, Іспаніі і Германіі.
Сёння ў Германіі стартуе 17-ы чэмпіянат Еўропы па футболе. Матч адкрыцця паміж зборнымі Германіі і Шатландыі пройдзе ў Мюнхене і пачнецца а 22-й гадзіне.
Гульні пройдуць на стадыёнах Берліна, Дортмунда, Дзюсельдорфа, Франкфурта, Гамбурга, Кёльна, Лейпцыга, Мюнхена і Штутгарта.
Склад групаў:
Група А: Германія, Шатландыя, Венгрыя, Швейцарыя.
Група В: Іспанія, Харватыя, Італія, Албанія.
Група С: Англія, Славенія, Сербія, Данія.
Група D: Польшча, Нідэрланды, Францыя, Аўстрыя.
Група Е: Бельгія, Славакія, Румынія, Украіна.
Група F: Партугалія, Турцыя, Грузія, Чэхія.
У 1/8 фіналу выходзяць па дзве каманды з групы і чатыры з шасці камандаў, што паказалі лепшыя паказчыкі на трэціх месцах.
Ад заўтра на турніры штодня будуць гуляцца пераважна па тры паядынкі. Вось расклад першага туру
Субота
Венгрыя — Швейцарыя (16:00)
Іспанія — Харватыя (19:00)
Італія — Албанія (22:00)
Нядзеля
Польшча — Нідэрланды (16:00)
Славенія — Данія (19:00)
Сербія — Англія (22:00)
Панядзелак
Румынія — Украіна (16:00)
Бельгія — Славакія (19:00)
Аўстрыя — Францыя (22:00)
Аўторак
Турцыя — Грузія (19:00)
Партугалія — Чэхія (22:00).
Групавы турнір будзе працягвацца да 26 чэрвеня (серада), прычым матчы трэцяга туру адной групы пройдуць у адзін час.
Матчы 1/8 фіналу пройдуць 29 чэрвеня — 2 ліпеня (па дзве гульні ў дзень). Фінал — 14 ліпеня.
Тэлеканалы СТБ і «РТР-Беларусь» паабяцалі паказваць усе гульні ў Беларусі, спаслаўшыся на дамову з УЕФА.
А за каго вы будзеце перажываць у адсутнасць Беларусі, якая ніколі ў топ-турніры не прабівалася?
Каментары