Пасольства Беларусі ў Лондане завінавацілася амаль мільён долараў. Як так атрымалася?
Дыпламаты ігнаравалі правілы і не плацілі за праезд у цэнтр горада — так назапасіўся вялізны доўг.
Пасольства Беларусі ў Лондане завінавацілася кампаніі Transport for London 734 185 фунтаў стэрлінгаў — каля 937 тыс. долараў — за праезд аўтамабіляў у платную зону брытанскай сталіцы.
У спісе аналагічных даўжнікоў — дыппрадстаўніцтвы 161 краіны, якія агулам вінны амаль 150 млн фунтаў, піша The Daily Mail.
Справа ў тым, што ў 2003 годзе лонданская мэрыя для барацьбы з пробкамі і забруджваннем паветра ўвяла плату за праезд аўтамабіляў у цэнтр Лондана. Першапачаткова тарыф складаў 5 фунтаў, да 2020 года ён вырас да 15 фунтаў — гэты тарыф дзейнічае да гэтага часу.
Як аказалася, увесь гэты час дыпламаты большасці краін ігнаравалі правілы і проста не плацілі за праезд у цэнтр — так і назапасіўся вялізны агульны доўг.
Самым вялікім даўжніком стала пасольства ЗША — яно завінавацілася больш за 14,5 млн фунтаў. У тройцы лідараў таксама пасольства Японіі (10 млн) і ўпраўленне Вярхоўнага камісара Індыі (8,5 млн). Сярод найбуйнейшых даўжнікоў таксама пасольствы Нігерыі, Кітая, Расіі, Польшчы, Ганы, Казахстана і Германіі.
Беларусь размяшчаецца на 40-м месцы.
Дыпламаты сцвярджаюць, што яны не павінны былі плаціць за ўезд у цэнтр Лондана, паколькі па Венскай канвенцыі дыппрадстаўніцтвы вызваляюцца ад падаткаў у краіне знаходжання.
Аднак у Transport for London заяўляюць, што гэта не падатак, а плата за паслугу, таму плаціць дыпламаты абавязаны.
Цяпер кампанія, якая сур'ёзна пацярпела падчас пандэміі і атрымлівае дзяржаўныя субсідыі, збіраецца звярнуцца ў Міжнародны суд ААН і спагнаць увесь доўг.
Цяпер чытаюць
Ці магчымы другі Чарнобыль? І што цяпер робяць людзі на той АЭС? Навукоўка адказвае на важныя пытанні6
Каментары