У Салігорску 19-гадовая дзяўчына забіла свайго сына, які пражыў усяго 11 дзён. На яе распачалі крымінальную справу паводле артыкула аб забойстве заведама малалетняй асобы, якая знаходзіцца ў бездапаможным стане (ч. 2 арт. 139 КК), паведамляе прэс-служба Следчага камітэта.
Паводле інфармацыі ведамства, абвінавачаная не адразу прызналася ў забойстве свайго дзіцяці. У дзень здарэння яна выклікала хуткую і паведаміла лекарам, а пасля следчым, што дзіця звалілася са спавівальнага століка.
Пазней, аднак, абвінавачаная стала блытацца ў паказаннях і прызналася, што са злосці кінула дзіця на падлогу. Жанчыну затрымалі, а праз пару дзён яна адмовілася ад паказанняў, «спаслаўшыся на пасляродавую дэпрэсію».
За некалькі гадзін да трагедыі абвінавачаная спыталася ў мужа: «Можа, яго здаць у дзіцячы дом?» Таксама следчыя, вывучаючы тэлефон жанчыны, выявілі, што тая шукала інфармацыю пра перадачу дзіцяці ў прытулак, смерці дзяцей у выніку падзення, пад коўдрай і гэтак далей.
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай32
Каментары