Бразільца два месяцы таму асудзілі на чатыры з паловай гады турмы за згвалтаванне.
Суд Барселоны вызваліў былога футбаліста зборнай Бразіліі Дані Алвеса пад заклад у € 1 млн, піша Championat.com.
Раней Інэс Гвардыёла, адвакат Дані Алвеса, падала апеляцыю на прысуд суда Барселоны і запатрабавала вызваліць асуджанага да вынясення канчатковага прысуду.
У студзені мінулага года 40-гадоваму Дані Алвесу выставілі абвінавачванні ў згвалтаванні дзяўчыны ў начным клубе «Сатон» у Барселоне. 20 студзеня экс-футбаліст быў узяты пад варту. Пазней бразільца прысудзілі да 4,5 года турмы, а таксама абавязалі яго выплаціць € 150 тыс. пацярпелай у якасці маральнай кампенсацыі.
Пры гэтым пракуратура Іспаніі планавала падаць апеляцыю на рашэнне суда, лічачы, што Алвес павінен знаходзіцца ў зняволенні больш працяглы тэрмін.
Каментары