Колькасць людзей у палку імя Кастуся Каліноўскага, які ваюе на баку Украіны, складае амаль 5 тыс. чалавек, заявіў у інтэрв'ю парталу online.ua камандзір беларускага добраахвотніцкага фарміравання Дзяніс Прохараў («Кіт»).
Паводле слоў Прохарава, байцы Палка «са звычайных цывільных» змаглі ператварыцца ў «прафесійных вайскоўцаў, якія ведаюць, як максімальна якасна выконваць сваю працу».
«Полк Каліноўскага складаецца пераважна з беларусаў і налічвае крыху менш за 5 тысяч байцоў. Акрамя гэтага, у падраздзяленні імя Касцюшкі, што ў складзе палка, ёсць добраахвотнікі з усяго свету — палякі, канадцы і французы», — адзначыў Прохараў.
«Расійская імперыя сама па сабе нікуды не дзенецца і РФ ніколі не спыніцца на паўдарозе», — заявіў вайсковец.
«Ад таго, як хутка мы справімся з ворагам, залежыць тое, як хутка беларусы змогуць вярнуцца на радзіму. У нас ёсць лозунг: «Мы вызваляем Беларусь праз вызваленне Украіны», — падкрэсліў «Кіт».
«Калі абяскроўленая паразай агідная Расія ўпадзе, здабудзе сапраўдную волю і Беларусь» — украінская разведка
«Мы чакаем вас з перамогай!» Ціханоўская павіншавала Полк Каліноўскага з гадавіной дня заснавання
«Каб надпіс на помніку быў на беларускай мове». Беларускія добраахвотнікі пра запавет на выпадак гібелі
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію26
Каментары