Кіраўнік разведкі Малдовы заявіў пра планы Расіі перашкодзіць яе ўступленню ў ЕС
Расія плануе гібрыдную атаку на Малдову з мэтай падарваць яе план па ўступленні ў Еўрасаюз, заявіў дырэктар Службы разведкі і бяспекі краіны Аляксандру Мусцята, піша РБК.
Кампанія, са слоў Мусцяты, будзе ўключаць у сябе «беспрэцэдэнтны ўзровень інтэнсіўнасці дзеянняў Расіі». Малдаўскія ўлады выявілі інфармацыю, якая пацвярджае намер Масквы сарваць прэзідэнцкія выбары і рэферэндум аб уступленні Малдовы ў ЕС, заявіў ён.
Прэзідэнцкія выбары пройдуць у Малдове ў канцы 2024 года. На іх кіраўнік дзяржавы Мая Санду мае намер балатавацца на другі тэрмін.
Рэферэндум па пытанні ўступлення Малдовы ў Еўрасаюз Санду ініцыявала ў снежні 2023 года, калі абвясціла аб сваім вылучэнні на новы тэрмін. Краіна стала кандыдатам у члены ЕС у чэрвені 2022 года. 14 снежня 2023 года Брусэль вырашыў пачаць з Кішынёвам перамовы аб сяброўстве.
Мусцята абвінаваціў расійскі бок у планах правесці такую кампанію цягам наступных двух месяцаў. Масква, з яго слоў, мае намер падтрымліваць прарасійскія пратэсты, у прыватнасці, з выкарыстаннем сацсетак, а таксама аказваць садзейнічанне Прыднястроўю.
У Прыднястроўі ў канцы лютага прайшоў першы за 18 гадоў З'езд народных дэпутатаў усіх узроўняў, дзе, у прыватнасці, была прынятая дэкларацыя са зваротам да расійскіх Савета Федэрацыі і Дзярждумы.
Удзельнікі з'езду звярнуліся да парламента «з просьбай аб рэалізацыі дыпламатычных мер па абароне Прыднястроўя ва ўмовах узмацнення ціску Малдовы».
-
Вэнс пачаў дыстанцыявацца ад Трампа пасля паразы рэспубліканцаў на выбарах і прасоўвае ўласны брэнд з прыцэлам на 2028 год
-
Параненых у Кракаве паліцыянтаў выратавалі два вядомыя хірургі: яны абедалі побач і кінуліся на дапамогу
-
Газ у Еўропе падаражэў утрая. Высокія рахункі могуць застацца яшчэ на некалькі гадоў
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку31
Каментары