Лукашэнка падпісаў папраўкі па пытаннях вытворчасці і абароту алкагольнай прадукцыі, якія мяняюць правілы на рынку спіртнога.
Папраўкі аб лібералізацыі рынку алкагольных напояў набудуць моц у ліпені 2024 года, піша «Спутник»
Адно з галоўных новаўвядзенняў — у адмене дзяржманаполіі на продаж алкаголю ў бяспошлінных крамах (Duty Free).
Сёння дзяржава дэлегуе права прадаваць спіртное праз Duty Free. Цяпер гэтым займаюцца дзяржкампанія «Дыпмаркет» з сістэмы Кіравання спраў Лукашэнкі, а таксама тры прыватныя арганізацыі: «Белмаркет д'юці фры», «Беламаркет Хелана Валеры» і «Маркетліга».
Новыя правілы дазволяць працаваць у гэтай сферы ўсім кампаніям, у якіх статутны фонд не менш за 24 тысячы базавых велічынь (на сёння — 960 тысяч рублёў).
Іншае змяненне — паслабленні па імпарце алкагольных напояў. Напрыклад, выключнае права дзяржавы не будзе распаўсюджвацца на ўвоз алкаголю для перапрацоўкі, але імпартаваць для гэтых мэтаў можна ў сасудах ёмістасцю больш за 2 літры.
Ёсць і іншыя выключэнні, у тым ліку ўвоз узораў спіртнога для ацэнкі адпаведнасці стандартам.
Акрамя таго, калі раней МАРГ (Міністэрства антыманапольнага рэгулявання і гандлю) зацвярджала спіс кампаній, якім дазволены імпарт спіртнога, то з ліпеня гэта будзе пералік алкагольных напояў. Напрыклад, гэта могуць быць пэўныя віды шампанскага, каньякоў, віскі, рому, джыну, вермутаў і іншых напояў.
Цяпер чытаюць
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам5
Каментары