Кадыраў прапанаваў абмяняць палонных украінцаў на зняцце санкцый са сваіх коней
Кіраўнік Чачні Рамзан Кадыраў зрабіў нечаканую прапанову па абмене ваеннапалонных украінцаў. Ён прапанаваў ЗША ў абмен на палонных зняць санкцыі са сваіх сваякоў, коней і самалёта.
Спіс украінскіх ваеннапалонных Кадыраў перадаў былому амерыканскаму разведчыку Скоту Рытэру, які прыбыў у Грозны, паведамляюць «РИА Новости».
Прапанова была выказаная падчас шыхтавання кадыраўскіх сілавых падраздзяленняў, падчас якога паказалі і палонных. Некаторых з іх прымусілі асабіста прасіць з экрана манітора пра адмену санкцый супраць кадыраўскай сям'і і ягоных жывёл ды сродкаў перамяшчэння.
«У нас ёсць палонныя, якіх мы забралі ў Данецку, Луганску. Я перадаю (спіс) нашаму госцю… калі яны здымуць санкцыі з маёй мамы, з дачок і ні ў чым не вінаватых людзей, коней… то мы гэтых людзей аддамо», — заявіў Кадыраў.
Раней у санкцыйны спіс трапілі верагодныя жонкі Кадырава (так мяркуе Мінфін ЗША) — Медні Кадырава, Фаціма Хазуева і Амінат Ахмадава. Таксама абмежаванні ўвялі супраць дачок Кадырава Айшат, Карыны і Табарык, дома моды Айшат Кадыравай Firdaws і Турпал-Алі Ібрагімава, стрыечнага брата кіраўніка Чачні.
Цяпер чытаюць
Новыя дэталі знікнення Анатоля Котава. Яхта з ім змяніла курс на Абхазію, дзе яго вывелі супрацоўнікі ФСБ. Але выкраданне ці інсцэніроўка?5
Каментары