Паліцыя ў Гданьску затрымала 24-гадовую беларуску і двух 25-гадовых грамадзян Украіны. Затрыманых абвінавачваюць у незаконным абароце наркотыкаў, піша Polskieradio.pl са спасылкай на прэс-службу паліцыі.
Як сказана ў паведамленні ведамства, у мінулую сераду паліцэйскія патрулявалі раён вуліцы Бялградскай у Гданьску. У нейкі момант яны звярнулі ўвагу на аўтамабіль Audi A4, кіроўца якога раптам перастроіўся.
Паліцыянты спынілі машыну для надгляду, а падчас яго ўкраінцы і беларуска «паводзілі сябе нервова». А ў аддзяленні дзверцаў кіроўцы праваахоўнікі заўважылі вялікую колькасць пакетаў ды западозрылі, што гэта могуць быць наркотыкі.
У выніку пры ператрусе кватэры і аўтамабіля затрыманых паліцыя выявіла і канфіскавала каля трох кілаграмаў розных відаў наркотыкаў.
«Канфіскаваныя наркатычныя і псіхатропныя рэчывы накіраваныя на экспертызу, якая па папярэднім заключэнні толькі ў дачыненні да некаторых з гэтых рэчываў вызначыла, што паліцыя канфіскавала значную колькасць наркотыкаў у выглядзе 600 порцый марыхуаны, гашышу, какаіну і клефедрону, а таксама больш за 200 псіхатропных таблетак», — паведаміла прэс-служба паліцыі.
Паводле яе, затрыманым пагражае да 12 гадоў пазбаўлення волі. Пакуль жа яны змешчаныя пад варту на тры месяцы.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?5
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары