2 снежня ў Лідзе памёр паэт і журналіст, кіраўнік літаб’яднання «Суквецце» Алесь Мацулевіч. Яму было 42 гады.
Як піша «Наша слова», тыдзень таму ў Алеся здарыўся інфаркт. Пасля двух дзён у рэанімацыі яго перавялі ў кардыялогію, ён нават паведамляў усім знаёмым, што ідзе на папраўку.
Але сёння прыйшла сумная навіна.
Алесь Мацулевіч нарадзіўся 19 студзеня 1981 года ў Лідзе. Скончыў Лідскае педагагічнае вучылішча ў 2000 годзе, Берасцейскі дзяржаўны ўніверсітэт імя А. С. Пушкіна (філалагічны факультэт).
Журналісцкую працу пачаў у незалежнай газеце «Тэлескоп». Пасля закрыцця «Тэлескопа» перайшоў у дзяржаўную «Лідскую газету». Увесь час супрацоўнічаў з газетамі «Наша слова» і «Наша слова.pdf».
У 2023 годзе Алесь падрыхтаваў да друку сваю трэцюю кнігу «Бронзавы Гедымін». Кніга звярстана і была адпраўлена аўтару для апошняй вычыткі. На жаль, вычытаць кнігу ён ужо не паспеў.
23‑гадовы рэпер з Астраўца загінуў за Расію на вайне. Паваяваў ён, відаць, каля месяца17
Каментары