Рыхтуецца да друку папяровае выданне трэцяй часткі гісторыі пра прыгоды ката Шпрота і ягоных сяброў — «Кот Шпрот і вежавы гадзіннік» аўтарства Ганны Янкуты, паведамляе партал bellit.info. Гэтая кніга ўжо больш за 2 гады існуе ў аўдыёфармаце, але цяпер плануецца папяровая версія ў выдавецтве «Янушкевіч».
«Нашай камандзе патрэбная падтрымка для падрыхтоўкі макета, і таму добрыя людзі запусцілі на польскай пляцоўцы збор грошай дзеля гэтых мэтаў», — тлумачыць пісьменніца і перакладчыца Ганнa Янкута.
Мастачка Лілія Давыдоўская, якая ілюстравала папярэднія часткі кнігі, ужо працуе над афармленнем навінкі. Ахвяраванні пойдуць менавіта на афармленне кнігі.
У якасці падзякі за падтрымку ў канцы кнігі абяцаюць зрабіць асобную ілюстраваную старонку з імёнамі ўсіх, хто на іх данаціў. Калі вы захочаце, каб вашае імя з’явілася на гэтай старонцы, — калі ласка, напішыце пра гэта ў каментары да аплаты.
Чытайце таксама:
Беларуская дызайнерка адкрыла ў Варшаве творчую прастору — «Дом Буслоў»
Дзеці расстраляных. Дочкі Кляшторнага: цуд выжывання, добрыя людзі і вяртанне ў Беларусь
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары