Што яшчэ чакае гэту вёску пад Мінскам?
Мінскі раённы Савет дэпутатаў 25 кастрычніка зацвердзіў генеральны план вёскі Тарасава, піша газета «Прысталічча».
Плануецца, што да 2035 года колькасць насельніцтва вырасце ад 2,5 тысячы чалавек да 5 тысяч. Вёска будзе разбудоўвацца. Да 2025 года ўзвядуць 68,2 тыс. кв. м жылля, у тым ліку сядзібнага тыпу — 1,2 тыс. кв. м, шматкватэрнага тыпу — 67 тыс. кв. м (гэта каля тысячы кватэр).
Вёскі Тарасава і Каменная Горка будуць аб'яднаныя ў адзін населены пункт — Тарасава. Плошча яго будзе да 673 гектараў.
Пабудуюць шэраг сацыяльных аб'ектаў. У Тарасаве да 2035 года з'явіцца школа на 500 месцаў, два дзіцячыя сады на 150 і 90 месцаў, амбулаторыя і аптэка.
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе31
Каментары