Граф Смеццевае Вядро прайграў лідару Reform UK Фараджу на давыбарах у парламент Вялікабрытаніі
Найджэл Фарадж набраў 22 239 галасоў у акрузе Клэктан, абышоўшы Графа Бінфэйса (Смеццевае Вядро) на 12 784 галасы.
Лідар брытанскай правапапулісцкай партыі Reform UK Найджэл Фарадж перамог на дадатковых выбарах у акрузе Клэктан, але адмовіўся прысутнічаць на абвяшчэнні вынікаў, піша The Huffington Post.
Фарадж атрымаў 22 239 галасоў, абышоўшы свайго галоўнага суперніка, Графа Бінфэйса (Count Binface, Граф Твар — Смеццевае Вядро, або Смеццеватвары) — сатырычнага персанажа, створанага комікам Джо Харві, які атрымаў 9 455 галасоў. Яўка на выбарах склала 44,37%.
Афіцыйнае абвяшчэнне пра перамогу Фараджа ў цэнтры вольнага часу Клэктана сустрэлі пераважна маўчаннем. Сам Фарадж і большасць сябраў яго партыі не прысутнічалі на цырымоніі абвяшчэння вынікаў. Партыя Reform UK без тлумачэння прычын таксама адмяніла запланаваны на раніцу пятніцы выступ Фараджа ў Клэктане.
Уначы Фарадж ужо абвясціў пра сваю пераканаўчую перамогу, заявіўшы, што выбаршчыкі «паказалі сярэдні палец» палітычнаму істэблішменту, піша Бі-бі-сі.
Граф Бінфэйс, за якім стаіць комік Джон Харві, — воін з планеты Sigma IX. На публіцы ён з’яўляецца ў чорна-шэрай форме, доўгім плашчы і шлеме ў форме смеццевага вядра. Ён ужо амаль дзесяць гадоў рэгулярна вылучаецца ў тых жа акругах, што і вядучыя брытанскія палітыкі. Напрыклад, у 2017 годзе ён супрацьстаяў прэм’ер-міністру Тэрэзе Мэй у яе роднай акрузе Мэйдэнхэд, таксама балатаваўся ў адной акрузе з прэм'ерам Рышы Сунакам.
Давыбары былі прызначаныя ў сувязі з тым, што Фарадж, які прадстаўляў акругу ў ніжняй палаце брытанскага парламента, 7 ліпеня абвясціў, што датэрмінова складае свае паўнамоцтвы. Праўда, ён адразу даў зразумець, што зноў будзе балатавацца на гэтае месца.
Таксама ў выбарах удзельнічалі тры кандыдаты ад Жахліва-бязглуздай партыі вар’ятаў і актор Лоўрэнс Фокс.
Харві выкарыстоўвае вобраз Графа Бінфэйса не толькі для таго, каб высмейваць брытанскую палітыку і яе чапурыстыя традыцыі, але і каб стымуляваць дыскусіі пра дэмакратыю і заахвочваць выбаршчыкаў да ўдзелу.
На давыбарах у акрузе Клэктан ён удзельнічаў, каб паспрабаваць не пусціць у парламент папулярнага папуліста Найджэла Фараджа.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта10
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары
Сцісла: "Майго Лондана ўжо, на жаль, няма", "Прадавец у цэнтры Лондана ледзьве змог зразумець, што я кажу", ... ігд.