У Віцебску жанчына павесіла ў пад'ездзе непатрэбную карціну і не ведала, што яна шэдэўр
У Віцебску ў пад'ездзе аднаго з дамоў больш за дзесяць гадоў вісела карціна, каштоўнасць якой стала вядомая толькі пасля яе крадзяжу, піша выданне «Витьбичи».
У міліцыю звярнулася мясцовая жыхарка і паведаміла, што з пад'езда знікла карціна. Паводле яе слоў, палатно знаходзілася там больш за дзесяць гадоў, але аднойчы проста знікла.
Карціна дасталася жанчыне ў спадчыну. Паколькі захоўваць яе ў сваёй кватэры яна не хацела, то вырашыла павесіць палатно ў пад'ездзе. Карціна хутка спадабалася суседзям і стала своеасаблівым элементам аздаблення дома, таму яе знікненне не засталося незаўважаным.
Супрацоўнікі міліцыі даволі хутка знайшлі падазраваную ў крадзяжы. Ёй аказалася 34‑гадовая беспрацоўная жыхарка Віцебска.
Падчас расследавання высветлілася, што карціна мае значную мастацкую і матэрыяльную каштоўнасць. Эксперты ацанілі яе прыкладна ў 6 тысяч беларускіх рублёў. Пры гэтым ні ўладальніца палатна, ні жанчына, якая яго скрала, нават не падазравалі, што карціна каштуе настолькі дорага.
У выніку ўладальніцы вернуць яе маёмасць, а падазраванай пагражае крымінальная адказнасць за крадзеж.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта10
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары