Грамадства66

Вера Палякова параўнала сябе з Васай Жалязновай. Прыгадалі, а што было з мужам Жалязновай

Удава былога міністра замежных спраў Беларусі Уладзіміра Макея адсвяткавала 45-гадовы дзень нараджэння. Падчас юбілею яна расказала пра асабістае. У тым ліку зрабіла адно спрэчнае параўнанне, якое кідае цень на яе мужа.

 Вера Палякова-Макей. Скрын відэа

У інтэрв'ю БелТА з нагоды міні-юбілею і сыгранай у гонар яго прэм'еры ў Тэатры юнага гледача Вера Палякова-Макей сказала, што зрабіла б усё магчымае, каб «змяніць тое, што адбылося». Нагадаем, што Палякова сама і ўзначальвае ТЮГ.

Гаворка перайшла на творчыя планы, і ўдава Уладзіміра Макея расказала:

«Насамрэч шмат рэжысёраў, з якімі я знаёмлюся на розных фестывалях, у апошні час часта кажуць мне: «Ты — Васа Жалязнова». І мы сапраўды абмяркоўваем, што было б крута паставіць «Васу Жалязнову». Таму што тое, як я зараз праходжу свой шлях і ў ролі дырэктаркі, і ў ролі кіраўніцы, і ў ролі досыць моцнай жанчыны…

Напэўна, надышоў той час і момант, калі я змагла б па-сапраўднаму сыграць гэтую ролю. Таму пакуль шукаем сродкі. Зарабляем грошы, — сказала Вера Палякова і засмяялася, — каб ажыццявіць новую пастаноўку… І я думаю, усё ўдасца».

Васа Жалязнова — гэта гераіня аднайменнай трагедыі Максіма Горкага, моцная жанчына, натура валявая, дзейная і ўладарная, галоўная ў сям'і і лідарка спадчыннага бізнэсу. Жалязнова замужам за мужчынам, на 18 гадоў старэйшым за яе. Нагадаем, што Уладзімір Макей быў на 20 гадоў старэйшы за Веру Палякову.

У п'есе Жалязнова штурхае мужа да самагубства пасля таго, як ускрываюцца кампраметуючыя яго абставіны, і робіць тое, каб уратаваць гонар сям'і.

Менавіта таму словы Паляковай-Макей гучаць двухсэнсоўна.

Сцэна са спектакля «Майстар і Маргарыта» ў ТЮГу. Вера Палякова ў ролі Маргарыты

«Мне хочацца, каб былі здаровыя і шчаслівыя мае дзеці. Яны зараз — маё жыццё, я дзеля іх жыву, дзейнічаю. Каб былі шчаслівыя і здаровыя мае бацькі, каб я іх не засмучала, таму што апошнім часам я іх часта засмучаю…» — кажа Палякова ў тым самым інтэрв'ю.

А пра свой апошні спектакль «Майстар і Маргарыта» акцёрка і дырэктарка тэатра кажа, што «гэты спектакль — гэта мая споведзь, даніна майму мужу… Маргарыта — яна атрымалася вельмі моцная ў мяне жанчына. Жанчына, гатовая зрабіць усё, каб выратаваць душу свайго каханага».

Сцэна са спектакля «Майстар і Маргарыта» ў ТЮГу. Злева — Вера Палякова ў ролі Маргарыты. Фота АНТ

На афішы спектакля — яна сама.

Смерць Уладзіміра Макея застаецца таямніцай. 

Чатыры крыніцы «Нашай Нівы» ў сферах дзяржаўнага кіравання і медыцыны назвалі прычынай смерці суіцыд. Апошнія гады жыцця міністра яго суправаджалі як палітычныя, так і асабістыя драмы. 

Чытайце таксама: Імаверная прычына смерці Уладзіміра Макея — суіцыд

Каментары6

  • тэатр вар'ятэ
    24.10.2023
    @ і ў ролі дырэктаркі, і ў ролі кіраўніцы, і ў ролі досыць моцнай жанчыны…@

    "Определенно, тщеславие – мой самый любимый из грехов." (Адвокат Дьявола)

    "Тщеславие – ярчайшая примета посредственности." (Люк де Клапье Вовенарг)
  • mikola
    24.10.2023
    Dobra skazała! Wybitnaja zanczyna, geta figura uzrounia Margaret Thatcher albo Goldy Meer, nie mensh. Toj, chto budzie jaje czapac albo abrzac, tago adrazu na rastrel
  • Дзядзька ў Вільні
    24.10.2023
    Ат, хрэн на іх.

Цяпер чытаюць

Як у акупаваным Данецку выжываюць без вады?5

Як у акупаваным Данецку выжываюць без вады?

Усе навіны →
Усе навіны

З 1 верасня, уязджаючы ў Латвію, трэба запаўняць анкету4

У лясах можна знайсці грыб, падобны да баравіка. Але ці варта есці?3

Як будуць выглядаць катэджы і таўнхаусы ў новым модным жылым квартале Мінска3

«Балаў не хапіла нікуды, нават на платнае». Што кажуць бацькі абітурыентаў, якія не паступілі4

У 22 гады памёр мінскі міліцыянер16

Расія першапачаткова патрабавала ад Украіны тэрыторыі чатырох рэгіёнаў у іх адміністрацыйных межах7

Феномен медыцынскага ўніверсітэта: кабала з размеркаваннем, невялікія заробкі, але ад абітурыентаў адбою няма19

Да жніўня 2025 года на вайне загінула каля 220 тысяч расіян — ацэнка «Медыязоны» і «Медузы»

У Мінску прапалі маці і шасцігадовы сын. Іх шукаюць ужо пяць дзён

больш чытаных навін
больш лайканых навін

Як у акупаваным Данецку выжываюць без вады?5

Як у акупаваным Данецку выжываюць без вады?

Галоўнае
Усе навіны →

Заўвага:

 

 

 

 

Закрыць Паведаміць