Гэты сусед Беларусі хоча правесці зімовую Алімпіяду разам са Швецыяй
Латвійскі бок ужо абмяркоўвае з калегамі са Швецыі пытанне аб выкарыстанні Сігулдскай трасы і іншай інфраструктуры.
Латвія выказала жаданне стаць суарганізатарам Алімпійскіх гульняў у 2030 годзе, калі асноўнай краінай правядзення Алімпіяды стане Швецыя, піша Delfi.lv.
Латвійскі бок ужо абмяркоўвае з калегамі са Швецыі пытанне аб выкарыстанні Сігулдскай трасы і іншай інфраструктуры. Агульная сума меркаваных выдаткаў на правядзенне гульняў пакуль невядомая, аднак папярэднія разлікі ўжо ўключаюць у сябе не менш за паўсотні мільёнаў еўра.
58 мільёнаў еўра — прыкладна ў такую суму павінна абысціся рэканструкцыя Сігулдскай бабслейнай трасы для ўдзелу ў Алімпіядзе. Гэтымі разлікамі падзяліўся дырэктар Дэпартамента спорту Міністэрства адукацыі і навукі Уладзімір Стэйнбергс. Астатнія выдаткі, нават папярэднія, пакуль агучаныя не былі.
Зрэшты ён не выключае, што шведскі бок дапаможа пакрыць гэтыя выдаткі, а сама рэканструяваная траса для Латвіі стане каштоўным эканамічным актывам.
Гаспадар зімовай Алімпіяды 2030 года будзе названы ў ліпені наступнага года.
Пра намер правесці зімовыя Алімпійскія гульні заявілі амерыканскі Солт-Лэйк-Сіці (горад прымаў Алімпіяду ў 2002 годзе), французскі Праванс.
Таксама заяўку збіраюцца падаць баснійскі Сараева (зімовая Алімпіяда праводзілася ў 1984 годзе), казахстанскі Алматы, канадскі Калгары (Алімпіяда праводзілася ў 1988 годзе), нямецкі Шмалькальдэн. Магчыма, заяўку падасць Іспанія (Каталонія і Арагон).
Швецыя ўжо праводзіла Алімпіяду, але гэта была летняя Алімпіяда ў 1912 годзе.
У 2026 годзе зімовая Алімпіяда пройдзе ў італьянскім Мілане і Карціна-д'Ампеца, прычым не выключана, што спаборніцтвы па санным спорце і бабслеі пройдуць у іншых краінах, бо траса ў італьянскіх Альпах састарэла.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм13
Каментары