Пуцін і Нетаньяху па тэлефоне абмеркавалі сітуацыю ў Ізраілі і сектары Газа
Расійскі прэзідэнт Уладзімір Пуцін у тэлефоннай размове абмеркаваў з прэмʼер-міністрам Ізраіля Біньямінам Нетаньяху сітуацыю ў Ізраілі і сектары Газа, піша BBC.
Пуцін, як паведамілі ў Крамлі, падчас перамоваў асудзіў дзеянні, ахвярамі якіх становяцца мірныя людзі.
«Прэзідэнт Расіі выказаў шчырыя спачуванні родным і блізкім загінулых ізраільцян, акцэнтаваў рашучае непрыманне і асуджэнне любых дзеянняў, ахвярамі якіх становіцца грамадзянскае насельніцтва, у тым ліку жанчыны і дзеці», — паведаміла прэс-служба Крамля.
Пуцін заявіў, што Расія гатовая працаваць над спыненнем канфрантацыі паміж Ізраілем і палесцінцамі для «дасягнення мірнага ўрэгулявання палітыка-дыпламатычнымі сродкамі».
Іншых падрабязнасцяў пра перамовы Пуціна і Нетаньяху не паведамляюцца.
Раней у панядзелак, 16 кастрычніка, Пуцін правёў перамовы з лідарамі Сірыі, Ірана, Егіпта. У тым ліку расійскі прэзідэнт гаварыў са старшынёй Палесцінскай адміністрацыі на Заходнім беразе Іярдана Махмудам Абасам.
Агенцтва ТАСС паведаміла, што «Пуцін у размове з Абасам выказаў спачуванні семʼям палесцінцаў, якія загінулі пры эскалацыі ў Газе».
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары
Это как если бы Зеленский с Путиным обсуждал ситуацию