Pucin i Nietańjachu pa telefonie abmierkavali situacyju ŭ Izraili i siektary Haza
Rasijski prezident Uładzimir Pucin u telefonnaj razmovie abmierkavaŭ z premjer-ministram Izraila Bińjaminam Nietańjachu situacyju ŭ Izraili i siektary Haza, piša BBC.
Pucin, jak paviedamili ŭ Kramli, padčas pieramovaŭ asudziŭ dziejańni, achviarami jakich stanoviacca mirnyja ludzi.
«Prezident Rasii vykazaŭ ščyryja spačuvańni rodnym i blizkim zahinułych izrailcian, akcentavaŭ rašučaje nieprymańnie i asudžeńnie lubych dziejańniaŭ, achviarami jakich stanovicca hramadzianskaje nasielnictva, u tym liku žančyny i dzieci», — paviedamiła pres-słužba Kramla.
Pucin zajaviŭ, što Rasija hatovaja pracavać nad spynieńniem kanfrantacyi pamiž Izrailem i paleścincami dla «dasiahnieńnia mirnaha ŭrehulavańnia palityka-dypłamatyčnymi srodkami».
Inšych padrabiaznaściaŭ pra pieramovy Pucina i Nietańjachu nie paviedamlajucca.
Raniej u paniadziełak, 16 kastryčnika, Pucin pravioŭ pieramovy ź lidarami Siryi, Irana, Jehipta. U tym liku rasijski prezident havaryŭ sa staršynioj Paleścinskaj administracyi na Zachodnim bierazie Ijardana Machmudam Abasam.
Ahienctva TASS paviedamiła, što «Pucin u razmovie z Abasam vykazaŭ spačuvańni siemjam paleścincaŭ, jakija zahinuli pry eskałacyi ŭ Hazie».
Kamientary
Eto kak jeśli by Zielenskij s Putinym obsuždał situaciju