«Слава Украіне!» Гэтыя словы завадчан падчас застолля назвалі «нацысцкімі». Раней іх жорстка затрымалі
Мазырскія прапагандысты знялі сюжэт аб затрыманні працаўнікоў Мазырскага нафтаперапрацоўчага завода. Словы ў падтрымку Украіны, знойдзеныя на тэлефоне аднаго з работнікаў, прапагандысты назвалі «нацысцкімі выказваннямі правага толку», паведамляе «Флагшток».
У сюжэце бачна, як сілавікі жорстка затрымліваюць працаўнікоў МНПЗ. Калі гэта адбылося, не паведамляецца. Афіцыйная падстава для затрымання — распаўсюд «экстрэмісцкіх матэрыялаў».
Далей у сюжэце паведамляецца, што ў аднаго з працаўнікоў на тэлефоне знайшлі відэа застолля, на якім простыя работнікі выказваюцца ў падтрымку Украіны:
— Слава Украіне! Беларусы за родную брацкую Украіну.
— Героям Слава! Слава Украіне!
Прапагандыстка за кадрам паведаміла, што гэтыя словы быццам бы нацысцкія. На відэа ў гэты момант была паказаная кінахроніка з беларускім нацыянальным сцягам. Таксама ў сюжэце ўказваецца на тое, што лозунг «Слава Украіне!» гучаў на Майдане ў 2013—2014 гадах ад украінскіх нацыяналістаў з Правага сектару.
Прапагандысцкі ролік сканчаецца пагрозамі крымінальнага пераследу ў дачыненні да працаўнікоў Мазырскага НПЗ:
«Дзеянні гэтых хлопцаў… яны могуць утрымліваць склад дзеяння крымінальнага пакарання, прадугледжанага як артыкулам 130 «распальванне расавай міжнацыянальнай ці любой сацыяльнай розні», так і артыкулам 130.1 — гэта «рэабілітацыя нацызму»», — дэкларуе намеснік начальніка Мазырскага раённага аддзела Следчага камітэта Аляксандр Варабей.
Напрыканцы сюжэту паказана міліцэйскае відэа з працаўнікамі. Падобныя відэа, як правіла, здымаюцца сілавікамі пад прымусам і пагрозамі. У ім рабочыя тлумачаць, што падчас застолля 22 мая 2022 года хацелі падтрымаць Украіну і не задумваліся пра значэнне сказаных імі словаў.
Прапагандысты з тэлеканалу «Мозырь» вырашылі не пазначаць аўтараў сюжэту. Але па голасу можна апазнаць, што тэкст чытае рэдактарка канала — Святлана Грудзько.
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары
А лукашыстка Грудзько да сканчэння сваіх ганебных дзён будзе працаваць на рэпарацыі на адбудаванне Ўкраіны.