Суддзя суда Гарадоцкага раёна Ганна Гурынава арыштавала грамадзяніна Расійскай Федэрацыі Віктара Мішчанку на двое сутак за тое, што ён правёў «пікетаванне» ў Гарадку без дазволу мясцовага райвыканкама, піша «Віцебская вясна».
Згодна з пратаколам аб адміністрацыйным правапарушэнні, Віктар хадзіў па горадзе ў кепцы з выявай герба «Пагоня» і паласой бел-чырвона-белага колеру.
Суду расіянін растлумачыў, што сапраўды гэта рабіў, але, маўляў, не ведаў пра тое, што публічная дэманстрацыя сімволікі, намаляванай на яго галаўным уборы ў спалучэнні з БЧБ-стужкай, ёсць выказваннем сваіх грамадска-палітычных поглядаў, то-бок нібыта гэта пікет, які праводзіцца незаконна.
Суддзя Гурынава не пагадзілася з аргументацыяй Мішчанкі і на падставе ч. 1 арт. 24.23 КаАП пакарала расіяніна арыштам, праўда, як на сёння на зусім маленькі тэрмін — «усяго» на двое сутак. Рэчавы доказ — кепку з выявай герба «Пагоня» і бел-чырвона-белага сцяга — яна пастанавіла пакінуць пры справе на ўвесь тэрмін яе захоўвання, г. зн. на працягу трох гадоў.
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў3
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары