З Беларусі сышла амерыканская кампанія TangoMe — распрацоўшчык стрымінгавай платформы Tango Live. Яе каманда рэлакавалася ў Польшчу і на Кіпр, піша devby.io. Кампанія знікла з пераліку рэзідэнтаў ПВТ, аднак пакуль не зліквідавала юрыдычнай асобы.
Tango Live — сэрвіс для стрымаў, відэазванкоў і абмену паведамленнямі. Платформа ўваходзіць у топ-3 на заходнім рынку. У праграмы 450 млн запампоўванняў і 10 млн актыўных карыстальнікаў за месяц.
Кампаніі TangoMe больш няма ў спісе рэзідэнтаў ПВТ, аднак юрыдычная асоба яшчэ не зліквідаваная, хаця «там ніхто не працуе», паведамляе devby.io.
Кампанія адкрыла офіс у Мінску ў траўні 2020 года. Пасля пачатку рэпрэсій генеральны дырэктар Аляксандр Ешчанка казаў, што пераезд работнікаў магчымы, усё залежыць ад іхнага жадання, а пакуль яны «спадзяюцца, што найбліжэйшым часам усё наладзіцца».
У Мінску ў кампаніі працавалі каля 130 асобаў. Амаль уся каманда рэлакавалася ў Польшчу, частка — на Кіпр.
У варшаўскім офісе неафіцыйна называюць дзве прычыны пераезду: патэнцыйныя праблемы з плацяжамі ды інвестарамі.
«Для рэлакейта былі дзве асноўныя прычыны: магчымыя праблемы з паступленнем грошай і праблемы з патэнцыяльнымі інвестарамі/выхадам на IPO. Пры пераездзе рэлакантам выплацілі адзін заробак і кампенсавалі выдаткі на «памагатых», якія займаліся афармленнем ДНЖ, у памеры 2 тысяч злотых (каля 500 даляраў). Сам пераезд і афармленне былі даволі скамечанымі, самім даводзілася шмат разбірацца, як і што афармляць», — распавёў devby.io адзін з супрацоўнікаў.
У польскім офісе TangoMe ўжо працуе больш за 100 чалавек. Мінскі офіс, са слоў суразмоўцаў, «закрылі яшчэ ў лістападзе 2022-га. Праз гэта юрыдычная асоба цяпер не працуе».
Адначасова з пераліку лакалізацый на сайце TangoMe знік не толькі Мінск, але і Санкт-Пецярбург, дзе працаваў адзіны ў Расіі офіс кампаніі. Там юрыдычную асобу зліквідавалі.
Паводле звестак devby.io, з студзеня 2022 года IT-сфера ў Беларусі страціла каля 20 тысяч праграмістаў. За апошнія гады краіну пакінулі некалькі дзясяткаў кампаній.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1818
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс18
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары