Ź Biełarusi syšła amierykanskaja kampanija TangoMe — raspracoŭščyk stryminhavaj płatformy Tango Live. Jaje kamanda rełakavałasia ŭ Polšču i na Kipr, piša devby.io. Kampanija źnikła ź pieraliku rezidentaŭ PVT, adnak pakul nie źlikvidavała jurydyčnaj asoby.
Tango Live — servis dla strymaŭ, videazvankoŭ i abmienu paviedamleńniami. Płatforma ŭvachodzić u top-3 na zachodnim rynku. U prahramy 450 młn zapampoŭvańniaŭ i 10 młn aktyŭnych karystalnikaŭ za miesiac.
Kampanii TangoMe bolš niama ŭ śpisie rezidentaŭ PVT, adnak jurydyčnaja asoba jašče nie źlikvidavanaja, chacia «tam nichto nie pracuje», paviedamlaje devby.io.
Kampanija adkryła ofis u Minsku ŭ traŭni 2020 hoda. Paśla pačatku represij hienieralny dyrektar Alaksandr Ješčanka kazaŭ, što pierajezd rabotnikaŭ mahčymy, usio zaležyć ad ichnaha žadańnia, a pakul jany «spadziajucca, što najbližejšym časam usio naładzicca».
U Minsku ŭ kampanii pracavali kala 130 asobaŭ. Amal usia kamanda rełakavałasia ŭ Polšču, častka — na Kipr.
U varšaŭskim ofisie nieaficyjna nazyvajuć dźvie pryčyny pierajezdu: patencyjnyja prablemy z płaciažami dy inviestarami.
«Dla rełakiejta byli dźvie asnoŭnyja pryčyny: mahčymyja prablemy z pastupleńniem hrošaj i prablemy z patencyjalnymi inviestarami/vychadam na IPO. Pry pierajeździe rełakantam vypłacili adzin zarobak i kampiensavali vydatki na «pamahatych», jakija zajmalisia afarmleńniem DNŽ, u pamiery 2 tysiač złotych (kala 500 dalaraŭ). Sam pierajezd i afarmleńnie byli davoli skamiečanymi, samim davodziłasia šmat raźbiracca, jak i što afarmlać», — raspavioŭ devby.io adzin z supracoŭnikaŭ.
U polskim ofisie TangoMe ŭžo pracuje bolš za 100 čałaviek. Minski ofis, sa słoŭ surazmoŭcaŭ, «zakryli jašče ŭ listapadzie 2022-ha. Praz heta jurydyčnaja asoba ciapier nie pracuje».
Adnačasova ź pieraliku łakalizacyj na sajcie TangoMe źnik nie tolki Minsk, ale i Sankt-Pieciarburh, dzie pracavaŭ adziny ŭ Rasii ofis kampanii. Tam jurydyčnuju asobu źlikvidavali.
Pavodle źviestak devby.io, z studzienia 2022 hoda IT-śfiera ŭ Biełarusi straciła kala 20 tysiač prahramistaŭ. Za apošnija hady krainu pakinuli niekalki dziasiatkaŭ kampanij.
Kiraŭniki biełaruskich IT-kampanij zadumvajucca pra rełakacyju ź Litvy. Niekatoryja pačali praces
«Čakali, što aktyvizujucca rasijskija inviestary, ale Minsk im nie patrebny». Što adbyvajecca na rynku ofisaŭ
«Hety praces nie spyniajecca». Jak rełakiejt biełaruskaha biznesu ŭpłyvaje na Biełaruś i susiednija krainy
Ciapier čytajuć
Poŭny śpis palitviaźniaŭ, vyzvalenych 13 śniežnia6
Kamientary