«Ты прыкрый мяне, калі ласка». Лукашэнка пакляўся, што нічога не ведаў пра планы Пуціна напасці на Украіну
Сваю арыгінальную версію таго, як нібыта развіваліся падзеі ў лютым 2022 года, Лукашэнка выклаў у інтэрв'ю прарасійскай прапагандыстцы з Украіны Дыяне Панчанка.
Паводле Лукашэнкі, «за некалькі дзён ці за дзень» да поўнамаштабнага ўварвання расійскіх войскаў ва Украіну Уладзімір Пуцін папрасіў аб прыкрыцці, «калі раптам што здарыцца».
«Ну вы бачылі па тэлевізары яго выступ. Я таксама. Гэта першае. У нас не было ніколі размовы. Вось проста напярэдадні ваенных дзеянняў, што вайна пачнецца. Я вам клянуся, што ў нас не было размовы пра тое, што Расія будзе здзяйсняць нейкія дзеянні супраць Украіны. Адзінае, за некалькі дзён ці там за суткі — я ўжо не памятаю — мы з ім сустракаліся ў яго ў загараднай рэзідэнцыі і абмяркоўвалі сітуацыю, якая склалася».
Паводле Лукашэнкі, Пуцін нібыта нагадаў яму пра саюзніцкія абавязкі, «калі, не дай божа, што здарыцца, і папрасіў: «Ты прыкрый мяне, калі ласка».
«Ён баяўся, хутчэй за ўсё, удару ў спіну з Захаду», — заявіў Лукашэнка.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары
Если это и правда, грош ему цена, как президенту!