Грамадства33

Лукашэнка назваў міністра абароны Кітая «самай медыйнай персонай свету» 

Аляксандр Лукашэнка правёў сустрэчу з міністрам абароны Кітая Лі Шанфу. Паводле прэс-службы, яны гавораць аб перспектывах і паглыбленні ваеннага супрацоўніцтва Беларусі з Кітайскай Народнай Рэспублікай.

На пачатку сустрэчы Лукашэнка «цёпла вітаў Лі Шанфу ў Беларусі, назваўшы яго самай медыйнай персонай ва ўсім свеце», піша БелТА.

«Я нездарма пачаў гэтую размову аб тым, што вы — самая медыйная персона сёння ў свеце, бо вашу актыўнасць, актыўнасць Кітайскай Народнай Рэспублікі па прасоўванні сваіх інтарэсаў, асноўных ідэй па светабудове сёння чуе ўвесь свет.

Асноўныя ідэі цяперашняга і будучага — перспектыўнай светабудовы Кітайскай Народнай Рэспублікі і Беларусі супадаюць абсалютна. Мы гэта з вамі дэманструем на працягу апошніх трох дзясяткаў гадоў», — сказаў Аляксандр Лукашэнка.

«Мы абсалютныя прыхільнікі шматпалярнага свету, мы абсалютныя прыхільнікі тэрытарыяльнай цэласнасці і адзінства межаў і тэрыторый, якія склаліся пасля Другой сусветнай вайны. Мы за неўмяшанне ва ўнутраныя справы дзяржаў. Словам, уся тая палітра, на якой заснавана знешнепалітычная дзейнасць Кітая, уласцівая і нашаму кіраўніцтву», — сказаў Лукашэнка.

«Вы павінны ведаць, што мы заўсёды на працягу больш чым 30 гадоў падтрымлівалі Кітай ва ўсіх яго памкненнях, бо лічым унутраную і знешнюю палітыку Кітайскай Народнай Рэспублікі абсалютна справядлівай, нацэленай на мірнае вырашэнне ўсякіх спрэчак і канфліктаў», — дадаў ён.

Лукашэнка сказаў, што свет сёння нестабільны, але «не з нашай віны».

«Праходзяць вельмі магутныя турбулентныя падзеі ў свеце. І нам даводзіцца быць моцнымі. Бо так склалася, што сілу заўсёды паважаюць. У нашай палітыцы мы засноўваемся на моцнай эканоміцы, магутнай дыпламатыі. І я вельмі вам удзячны за вашу падтрымку ў сферы ваенна-тэхнічнага і ваеннага супрацоўніцтва. Мы ў гэтым плане перш за ўсё абапіраемся на нашых сяброў. І перш за ўсё Расійскую Федэрацыю і Кітай», — заявіў Аляксандр Лукашэнка.

Ён адзначыў, што цяперашні візіт першы для Лі Шанфу ў Беларусь.

«Спадзяюся, не апошні. Вельмі важны для нашай Беларусі», — сказаў Лукашэнка.

Аляксандр Лукашэнка адзначыў, што ў яго са старшынёй КНР Сі Цзіньпінам склаліся добрыя і сяброўскія адносіны: 

«Я бязмерна паважаю свайго сябра. Мы даўно знаёмыя з ім. Я вельмі прашу вас перадаць ад імя беларускага народа самыя цёплыя і добрыя зычэнні яму, яго сямʼі за ўсё тое, што Кітай апошнім часам зрабіў для Беларусі».

Ён таксама папрасіў перадаць добрыя зычэнні жонцы лідара КНР Пэн Ліюань, піша БелТА. 

У сваю чаргу Лі Шанфу ад імя старшыні КНР «перадаў Аляксандру Лукашэнку найлепшыя зычэнні і цёплае прывітанне».

Міністр абароны Кітая Лі Шанфу прыбыў у Мінск 16 жніўня. Учора ў яго адбылася сустрэча з беларускім калегам Віктарам Хрэніным.

Каментары3

  • Лі шанфууу
    17.08.2023
    Хлусня
  • 0101
    17.08.2023
    Буча, Ірпень. Беларусь як плацдарм доя захопа Кіева. Гэта ж другое?
  • жыта
    17.08.2023
    Хозяин хозяина приехал. Вот он решил и одарить его комплиментами.

Цяпер чытаюць

У Бранскай вобласці мост, па якім ехала фура, абрынуўся на пасажырскі цягнік. Сем загінулых2

У Бранскай вобласці мост, па якім ехала фура, абрынуўся на пасажырскі цягнік. Сем загінулых

Усе навіны →
Усе навіны

Амаль $50 000 за голыя сцены ў Шабанах. Так выглядае самая танная кватэра Мінска2

У ДТЗ у Івацэвіцкім раёне загінулі два чалавекі

Галоўчанка патлумачыў сітуацыю з далярамі ў Беларусі4

Навукоўцы зразумелі, чаму нашы вясковыя бабулі жылі даўжэй9

Мінчук хацеў правучыць «хамa» ў трамваі, але чамусьці ўдарыў каленам у нос школьніцу2

Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам45

У Магілёве прадаюць 10 тон бульбы ўсяго па 60 капеек за кіло. Што з ёй не так?4

У Белым доме ўрачыста правялі з дзяржаўнай службы Ілана Маска. Трамп падарыў яму залаты ключ11

Трамп заявіў, што расчараваны і шакаваны дзеяннямі Расіі1

больш чытаных навін
больш лайканых навін

У Бранскай вобласці мост, па якім ехала фура, абрынуўся на пасажырскі цягнік. Сем загінулых2

У Бранскай вобласці мост, па якім ехала фура, абрынуўся на пасажырскі цягнік. Сем загінулых

Галоўнае
Усе навіны →

Заўвага:

 

 

 

 

Закрыць Паведаміць