«Ty prykryj mianie, kali łaska». Łukašenka paklaŭsia, što ničoha nie viedaŭ pra płany Pucina napaści na Ukrainu
Svaju aryhinalnuju viersiju taho, jak nibyta raźvivalisia padziei ŭ lutym 2022 hoda, Łukašenka vykłaŭ u intervju prarasijskaj prapahandystcy z Ukrainy Dyjanie Pančanka.
Pavodle Łukašenki, «za niekalki dzion ci za dzień» da poŭnamaštabnaha ŭvarvańnia rasijskich vojskaŭ va Ukrainu Uładzimir Pucin paprasiŭ ab prykryćci, «kali raptam što zdarycca».
«Nu vy bačyli pa televizary jaho vystup. Ja taksama. Heta pieršaje. U nas nie było nikoli razmovy. Voś prosta napiaredadni vajennych dziejańniaŭ, što vajna pačniecca. Ja vam klanusia, što ŭ nas nie było razmovy pra toje, što Rasija budzie ździajśniać niejkija dziejańni suprać Ukrainy. Adzinaje, za niekalki dzion ci tam za sutki — ja ŭžo nie pamiataju — my ź im sustrakalisia ŭ jaho ŭ zaharadnaj rezidencyi i abmiarkoŭvali situacyju, jakaja skłałasia».
Pavodle Łukašenki, Pucin nibyta nahadaŭ jamu pra sajuźnickija abaviazki, «kali, nie daj boža, što zdarycca, i paprasiŭ: «Ty prykryj mianie, kali łaska».
«Jon bajaŭsia, chutčej za ŭsio, udaru ŭ śpinu z Zachadu», — zajaviŭ Łukašenka.
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
Jeśli eto i pravda, hroš jemu ciena, kak priezidientu!