Вызначыліся магчымыя супернікі БАТЭ і «Нёмана» ў плэй-оф кваліфікацыі еўракубкаў
Сёння ў Швейцарыі праходзіць лёсаванне апошняй стадыі кваліфікацыі еўракубкаў.
БАТЭ ў выпадку перамогі над малдаўскім «Шэрыфам» у трэцім раўндзе кваліфікацыі Лігі Еўропы згуляе з няўдачнікам лігачэмпіёнскай пары «Клаксвік» (Фарэры) — «Молдэ» (Нарвегія).
Першы матч «Шэрыф» — БАТЭ пройдзе ў гэты чацвер у Ціраспалі.
Увосень 2010 года каманды сустракаліся ў групавым турніры Лігі Еўропы. БАТЭ перамог двойчы: у Ціраспалі 1:0 і дома 3:1.
У выпадку паразы ад прыднястроўскага клуба БАТЭ ў плэй-оф кваліфікацыі Лігі канферэнцый сустрэнецца пераможцам пары «Балканы» (Косава) — «Лінкальн» (Гібралтар).
Гродзенскі «Нёман» у выпадку перамогі над славенскім «Цэле» згуляе ў плэй-оф кваліфікацыі Лігі канферэнцый з пераможцам пары АЕК (Ларнака, Кіпр) — «Макабі» (Тэль-Авіў, Ізраіль).
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары