Вайна1717

Украіна змяніла тактыку контрнаступлення — і яна прыносіць плён

Няўдачы на першым этапе контрнаступлення прымусілі Украіну змяніць тактыку, піша газета Financial Times.

Фота: AP / Photo Libkos

Вайскоўцы, з якімі пагаварылі журналісты FT, апісваюць першыя дні контрнаступлення Украіны як «хаос». Прасоўванне суправаджалася інцыдэнтамі з агнём па сваіх, а спробы атакаваць ператвараліся ў выратавальныя аперацыі пасля таго, як украінцаў спынялі мінныя палі, супрацьтанкавыя ракеты і атакі расійскіх верталётаў Ка-52, пераказвае артыкул Бі-бі-сі.

На гэтым этапе Украіна страціла прыкладна пятую частку ўзбраення, перададзенага ёй НАТА, як піша Financial Times. У выніку Кіеў змяніў тактыку, і гэта, па словах украінскіх камандзіраў, здаецца, дазваляе дамагчыся некаторых адчувальных вынікаў на полі бою.

Замест штурмавых дзеянняў украінскія вайскоўцы перайшлі да масіраванага выкарыстання артылерыі, якая пераўзыходзіць расійскую па далёкасці і дакладнасці. Гэта дазваляе забяспечваць прасоўванне перадавых груп і дамагацца тактычных поспехаў без вялікіх страт.

Спачатку ўкраінцы наносяць удары па праціўніку, затым ідзе пяхота.

Да гэтай стратэгіі ў краін Захаду таксама ёсць пытанні: перш за ўсё, ці зможа Украіна прытрымлівацца яе дастаткова доўга, каб дамагчыся такога ваеннага прарыву, які прымусіць Маскву сесці за стол перамоў. Існуе асцярога, што ўкраінскія Узброеныя сілы занадта хутка расходуюць свае запасы артылерыйскіх снарадаў, а з-за празмерна павольнага прасоўвання вайскоўцаў у расіян можа з'явіцца час, каб акапацца і навучыць свежыя сілы.

Але ў кароткатэрміновай перспектыве гэтая тактыка дазволіла скараціць украінскія страты. Страты асабовага складу і колькасць пашкоджаных баявых танкаў і баявых машын пяхоты заходніх краін знізіліся ў параўнанні з першымі двума тыднямі контрнаступлення, у той час як Украіна дамаглася невялікіх, але стабільных поспехаў, адзначае Financial Times.

Каментары17

  • Янка
    27.07.2023
    Ніводная сучасная армія ў сусвеце ня мае досведу атакі узмацненых пазіцый, яшчэ і без авіяцыі.
    Нават вермахт апошні раз рабіў нешта падобнае толькі ў 1943 пад час Курскай бітвы.
    Ды і ўвогуле гэтая вайна шмат у чым унікальная. Таму паўнавартасных настаўнікаў тут быць ня можа і Залужнаму даводзіцца спрабаваць, нажаль часам коштам крыві ўкраінскіх патрыётаў.
  • ром
    27.07.2023
    [Рэд. выдалена]
  • крок
    27.07.2023
    Абасрацца і ня ўстаць якія малайцы, павучыце яшчэ захад як што і да чаго, а то яны мо ня ведаюць..

Цяпер чытаюць

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў

Усе навіны →
Усе навіны

Пад Данецкам расійскі вайсковец злавіў жонку з палюбоўнікам, вывез яго ў поле і расстраляў з аўтамата7

Ілан Маск апублікаваў вынікі аналізаў мачы на наркотыкі5

Расіянін выскачыў у Літве з цягніка падчас руху, яго шукае паліцыя1

Як адрозніць часовае выпадзенне валасоў ад аблысення? Тлумачыць трыхолаг

Святлана Алексіевіч расказала, якую кнігу выпусціць наступнай. Яна не пра каханне, як планавалася раней23

Лукашэнка расказаў, што карова павінна стаяць у палацы і кожнаму неабходна «хоць па дзве баразёнкі» бульбы пасадзіць20

У Кіеве ўжо каля 100 пацярпелых падчас начнога ўдару1

Ізраіль забіў і новага кіраўніка Генштаба арміі Ірана. Ён займаў пасаду пару дзён7

У Мінску знікла пенсіянерка. Аказалася, што яна па просьбе «следчых» стала кур’ерам махляроў 

больш чытаных навін
больш лайканых навін

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў

Галоўнае
Усе навіны →

Заўвага:

 

 

 

 

Закрыць Паведаміць