Лясной ахове афіцыйна дазволілі ўжываць сілу, спецсродкі і зброю
У Беларусі законам ад 17 ліпеня 2023 года № 293-З ухвалілі змены ў Лясны кодэкс. Закон апублікаваны на Нацыянальным прававым партале і ўступае ў сілу праз шэсць месяцаў.
Сярод іншага ў Кодэкс дададзены артыкул «Парадак прымянення фізічнай сілы, спецыяльных сродкаў, прымянення і выкарыстання зброі службовымі асобамі, на якіх ускладаюцца функцыі дзяржаўнай лясной аховы».
Згодна з гэтыя артыкулам, службовая асоба мае права на прымяненне зброі ў дачыненні да асобы:
- якая здзяйсняе напад на яе ці іншых грамадзян, калі падвяргаюцца небяспецы іх жыццё або здароўе;
- якая здзяйсняе напад, у тым ліку групавы, або напад, спалучаны з ужываннем зброі альбо выбухаў, падпалаў і з выкарыстаннем іншых агульнанебяспечных спосабаў, транспартных сродкаў, машын або механізмаў, на аб'екты дзяржаўнай лясной аховы;
- якая ажыццяўляе дзеянне, накіраванае на завалоданне зброяй, боепрыпасамі, спецтэхнікай або спецсродкамі, якія знаходзяцца ў службовай асобы.
Цяпер чытаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў1
Каментары