«Поўная цішыня прымушае не проста хвалявацца, а біць трывогу». 155 дзён нічога не вядома пра Марыю Калеснікаву
Пяць месяцаў нічога не вядома пра асуджаную на 11 гадоў калоніі паплечніцу Віктара Бабарыкі Марыю Калеснікаву. Пра гэта напісала ў фэйсбуку яе сястра Таццяна Хоміч.
«155 дзён мы не ведаем нічога пра Марыю Калеснікавай. Больш за 5 месяцаў яе хаваюць нават ад родных. Дакладна невядома, што са здароўем Марыі, у якіх умовах яна ўтрымліваецца. Няма ні лістоў, ні званкоў родным, ні сустрэч з адвакатам. Поўная цішыня прымушае не проста хвалявацца, а біць трывогу», — піша Таццяна Хоміч.
Марыю Калеснікаву затрымалі 7 верасня 2020 года ў Мінску, паспрабавалі выдварыць ва Украіну, але Марыя парвала свой пашпарт і вярнулася назад. Яе арыштавалі і праз год асудзілі на 11 гадоў калоніі «за змову з мэтай захопу дзяржаўнай улады неканстытуцыйным шляхам, стварэнне экстрэмісцкага фармавання і кіраванне такім фармаваннем, публічныя заклікі да захопу дзяржаўнай улады». Максіму Знаку, якога судзілі разам з ёй, далі 10 гадоў калоніі.
Пакаранне Марыя адбывае ў гомельскай жаночай калоніі. У канцы мінулага года стала вядома, што Марыя трапіла ў шпіталь з хірургічнай паталогіяй, дзе яе прааперавалі. Пасля таго яе так-сяк падлячылі і выпісалі, але цалкам аднавіцца, як выглядае, не далі.
У маі гэтага года зноў стала вядома аб праблемах са здароўем.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам29
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары