У мінскім архікафедральным саборы быў ператрус — «Хрысціянская візія»
Па інфармацыі тэлеграм-канала «Хрысціянская візія», у канцы мінулага тыдня ў плябаніі мінскага архікафедральнага касцёла адбыўся ператрус.
Ператрусу ў саборы Найсвяцейшага Імя Найсвяцейшай Панны Марыі папярэднічалі затрыманне і арышты каталіцкага верніка і выкладчыка катэхізіса з сабора Уладзіслава Беладзеда, а таксама адстаўка пробашча ксяндза Антонія Клімантовіча.
Адначасова ў звязаных з сілавымі структурамі і чарнасоценскіх інтэрнэт-рэсурсах з'явіліся шматлікія публікацыі, скіраваныя на дыскрэдытацыю Каталіцкага касцёла.
За апошнія гады праз арышты прайшлі дзясяткі святароў, пастараў і манахаў праваслаўнай, каталіцкай, грэка-каталіцкай і пратэстанцкіх канфесій, якія крытыкавалі масавыя рэпрэсіі ў краіне, палітычныя забойствы і зверствы ў месцах зняволення.
Калі вы ведаеце пра тое, што здарылася на Акрэсціна, больш, пішыце рэдактару «Нашай Нівы» ў ТГ, на [email protected] ці [email protected].
Альбо пішыце асабіста тым журналістам і рэдактарам «Нашай Нівы», якіх вы ведаеце і якім давяраеце (лепш — у сігнал ці тэлеграм).
Масавыя палітычныя рэпрэсіі ў Беларусі працягваюцца з 2020 года, калі Аляксандр Лукашэнка, мяркуючы па звестках з участкаў, дзе выбарчыя камісіі дазволілі назіральнікам сачыць за падлікам галасоў, прайграў Святлане Ціханоўскай, але не аддаў уладу.
З 2022 года, пасля нападу Расіі на Украіну, беларусаў пачалі пераследаваць і за антываенныя выказванні або сімпатыі да Украіны.
За гэты час у краіне адбылося не менш за 50 тысяч палітычна матываваных затрыманняў, заведзена не менш за 12 тысяч палітычна-крымінальных спраў і адкінутыя нават самыя базавыя нормы законнасці і маралі.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі12
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3939
Каментары