U minskim archikafiedralnym sabory byŭ pieratrus — «Chryścijanskaja vizija»
Pa infarmacyi telehram-kanała «Chryścijanskaja vizija», u kancy minułaha tydnia ŭ plabanii minskaha archikafiedralnaha kaścioła adbyŭsia pieratrus.
Pieratrusu ŭ sabory Najśviaciejšaha Imia Najśviaciejšaj Panny Maryi papiaredničali zatrymańnie i aryšty katalickaha viernika i vykładčyka katechizisa z sabora Uładzisłava Bieładzieda, a taksama adstaŭka probašča ksiandza Antonija Klimantoviča.
Adnačasova ŭ źviazanych ź siłavymi strukturami i čarnasocienskich internet-resursach źjavilisia šmatlikija publikacyi, skiravanyja na dyskredytacyju Katalickaha kaścioła.
Za apošnija hady praz aryšty prajšli dziasiatki śviataroŭ, pastaraŭ i manachaŭ pravasłaŭnaj, katalickaj, hreka-katalickaj i pratestanckich kanfiesij, jakija krytykavali masavyja represii ŭ krainie, palityčnyja zabojstvy i źvierstvy ŭ miescach źniavoleńnia.
Kali vy viedajecie pra toje, što zdaryłasia na Akreścina, bolš, pišycie redaktaru «Našaj Nivy» ŭ TH, na [email protected] ci [email protected].
Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinutyja navat samyja bazavyja normy zakonnaści i marali.
«Naša Niva» — bastyjon biełaruščyny
PADTRYMAĆCiapier čytajuć
Ina Kulej: Milinkievič pieramoh śmierć, ale šlach da poŭnaha adužańnia niablizki3
Kamientary