Мемарыяльную дошку адкрылі сёння на сцяне дома на вуліцы Чалюскінцаў у Магілёве, дзе нарадзіўся і 14 гадоў жыў Барыс Маісееў.
Мемарыяльны барэльеф уяўляе сабой медаль. У цэнтры — профіль Маісеева. Па крузе размешчаная цытата спевака: «Я люблю гэты горад, я люблю гэты дом», як піша «Магілёў Анлайн».
Скульптар — Філіп Трушын, які таксама прысутнічаў на адкрыцці мемарыяльнай дошкі.
Мерапрыемства прайшло ў рамках афіцыйнай праграмы закрыцця фестывалю «Славянскі базар» у Віцебску.
Барыс Маісееў — расійскі танцоўшчык і эстрадны спявак, які праславіўся дзякуючы эпатажным манерам.
Магілёў — яго радзіма, у Беларусі ён правёў дзяцінства і раннюю маладосць. А памёр Маісееў летась 27 верасня на 69-м годзе жыцця ў Маскве.
Тэарэтычна перашкодай для ўшанавання памяці Маісеева ў Магілёве маглі стаць правілы ўсталявання мемарыяльных знакаў не раней за пэўны тэрмін пасля смерці асобы. У Магілёве гэты тэрмін — 5 гадоў пасля смерці знакамітага чалавека.
А таксама супраць ушанавання памяці Маісеева напярэдадні выступілі некаторыя праўладныя блогеры, для якіх танцор недастаткова шанаваў традыцыйныя скрэпныя каштоўнасці.
Маісееў на пачатку 1990-х адным з першых у Расіі зрабіў камінг-аўт і стаў прэзентаваць сябе як спевака-гомасэксуала, што знайшло адлюстраванне і ў яго рэпертуары, але гэта не перашкаджала яго вялікай папулярнасці ў 1990-я.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары