Расійскі спявак Аляксандр Сяроў на вакзале ў Віцебску абурыўся, што яго сустрэлі не на рускай мове
Акалічнасці сустрэчы расійскіх поп-зорак на чыгуначным вакзале расказаў «Московский комсомолец».
Аляксандр Сяроў. Фота: serovofficial / Telegram
Паводле выдання, самым незадаволеным раніцай выйшаў з цягніка спявак Аляксандр Сяроў, вядомы з савецкага часу сваім хітом «Мадонна».
Асяроддзе Сярова, як піша «МК», імкнулася загарадзіць артыста ад камер, а адказваць ён не пажадаў нават на самыя простыя пытанні.
Беларусы, што сустракалі Сярова на вакзале, павіталі яго на роднай мове.
На гэта Сяроў моцна абурыўся: «А чаму вы гаворыце са мной па-ўкраінску?»
Людзі, што яго сустракалі, разгубіліся, як піша выданне, і, перайшоўшы на рускую, растлумачылі, што карысталіся роднай беларускай мовай.
Сяроў збянтэжыўся і паспяшаўся з'ехаць.
Каментары