Чатыры карціны пэндзля Марка Шагала ў пятніцу былі прададзеныя на аўкцыёне ў Цюрыху. Самую вялікую суму аддалі за працу «Блакітная ваза» — яна пайшла з малатка за 670 тысяч даляраў, паведамляе Sputnik.
Таргі праводзіў швейцарскі аўкцыённы дом Koller, дзе падкрэслілі, што сапраўднасць работ ураджэнца Беларусі была пацверджаная ў розны час парыжскім Камітэтам Марка Шагала.
У прыватнасці, на пятнічны аўкцыён былі выстаўлены дзве карціны позняга перыяду творчасці мастака. Абедзве ён напісаў у 1973 годзе. Гаворка ідзе пра палотны «Блакітная ваза» і «Вялікі букет у Вансе», якія Шагал стварыў, калі ўсё больш яго «прыцягваў кветкавы матыў».
«Ён вяртаўся да гэтай тэмы з канца 1920-х гадоў, хоць яго букеты ніколі не стаялі асобна ў сэнсе класічных нацюрмортаў, а спалучаліся з краявідамі, формамі жывёл і фігурамі», — сказана ў паведамленні аўкцыённага дома.
Характэрна, што «Блакітная ваза» ўдзельнічала ў таргах менш за тры хвіліны і трапіла да новага гаспадара за 671 тысячу даляраў. Карціну «Вялікі букет у Вансе» набылі за 354 тысячы швейцарскіх франкаў (каля 395 тысяч даляраў).
Першая праца да таго, як яе вырашылі прадаць, перайшла да ўладальнікаў па спадчыне і знаходзілася ў прыватнай калекцыі ў Швейцарыі. Што тычыцца другой, то яна нейкі час захоўвалася ў калекцыі дачкі мастака Іды Шагал, а пазней апынулася ў прыватных калекцыях у Італіі.
На таргі таксама была выстаўлена праца Шагала «Рэвалюцыя», напісаная мастаком у 1939 годзе. На карціне намаляваны два супрацьлеглыя адзін аднаму светы. Гэтую карціну Шагала прадалі на аўкцыёне за 305 тысяч франкаў (каля 340 тысяч даляраў).
Таксама ў Цюрыху пайшла з малатка праца мастака «Аголеная на кукішках» (1952), выкананая тушшу і гуашшу. Новы ўладальнік аддаў за яе 91,8 тысячы швейцарскіх франкаў (больш за 102 тысячы даляраў).
Цяпер чытаюць
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах10
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1818
Каментары