У Вільні адбудзецца творчая сустрэча з Уладзімірам Арловым. Тэма — жанчыны ў паўстанні Каліноўскага
Сустрэцца з гісторыкам і пісьменнікам Уладзімірам Арловым запрашаюць Міжнародны саюз беларускіх пісьменнікаў, інтэрнэт-бібліятэка Kamunikat.org і прастора CreateCulture Space.
Ці мы задумваліся, якія яны, жанчыны паўстання 1863-1864 гадоў?
Уладзімір Арлоў раскрые нам невядомыя факты пра іх удзел у змаганні.
Таксама аўтар прэзентуе новыя кнігі і перавыданні, сярод якіх:
— «Айчына. Ад Агінскага да Багушэвіча»;
— «Імёны свабоды», у якой змяшчаюцца 410 партрэтаў барацьбітоў за наш край з часоў Касцюшкі да нашых дзён;
— «Ад Еўфрасінні, ад Скарыны. Таямніцы полацкай гісторыі».
Пасля сустрэчы можна будзе набыць і падпісаць кнігі аўтара. На жаль, кнігі прадаюцца толькі за наяўныя грошы, арганізатары просяць прабачэння за нязручнасці.
Уладзімір Арлоў — аўтар бестселераў «Краіна Беларусь», «Ордэн Белай Мышы», «Айчына: маляўнічая гісторыя. Ад Рагнеды да Касцюшкі», лаўрэат прэміі імя Ежы Гедройця за найлепшую празаічную кнігу 2017 года «Танцы над горадам». Творы Уладзіміра Арлова перакладаліся на многія мовы свету, больш чым на 25 моваў перакладзенае напісанае ў 1990-м эсэ «Незалежнасць — гэта…».
Дата: 24 чэрвеня (субота)
Час: 18.00
Месца: CreateCulture Space, Karmelitų gatvė (вул. Кармеліцкая), 5, Вільня
Затрыманы ў Польшчы беларускі таксіст-шпіён быў сябрам «Паспалітага рушэння»14
Затрыманы ў Польшчы беларускі таксіст-шпіён быў сябрам «Паспалітага рушэння»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары