У Смаргонскім раёне больш за суткі шукалі пенсіянера, а ён не хацеў, каб яго знайшлі
Недалёка ад аграгарадка Лылойці Смаргонскага раёна 8 чэрвеня ратавальнікі МНС знайшлі ў лесе 67-гадовага Леанарда Маслоўскага, які знік больш за суткі да гэтага. Але аказалася, што паратунку мужчына не чакаў і адмыслова ад яго хаваўся, паведамляе Kraj.by.
Пажылы мужчына раніцай 7 чэрвеня выйшаў з дома сумеснага пражывання Тэрытарыяльнага цэнтра сацыяльнага абслугоўвання насельніцтва «Цёплы дом» у Лылойцях, у якім знаходзіўся з лістапада 2022 года.
Пошукі Леанарда Маслоўскага вялі ратавальнікі раённага аддзела надзвычайных сітуацый, а каля 20:00 да іх далучыліся восем валанцёраў пошукава-выратавальнага атрада «Анёл. Паўночны захад».
Усю ноч да 4 гадзін раніцы яны прачэсвалі наваколлі Лылойцяў — абследавалі лесапалосы, меліярацыйныя каналы, возера па перыметры і закінутыя будынкі. І толькі днём, недзе апоўдні, супрацоўнікі РАНС знайшлі пенсіянера ў лесе прыкладна за кіламетр ад аграгарадка.
«Мы прачэсвалі тое месца, дзе мужчыну сёння знайшлі ратавальнікі. Ён відавочна разумеў, што яго шукаюць, і не хацеў, каб знайшлі. Думаю, што Маслоўскі спецыяльна не адгукаўся на крыкі, хаваўся ў лесе», — сказаў выданню каардынатар валанцёрскага атрада.
Пасля таго, як пенсіянера знайшлі, яго агледзелі медыкі, але ў іх дапамозе ён патрэбы не меў.
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары