U Smarhonskim rajonie bolš za sutki šukali piensijaniera, a jon nie chacieŭ, kab jaho znajšli
Niedaloka ad ahraharadka Łyłojci Smarhonskaha rajona 8 červienia ratavalniki MNS znajšli ŭ lesie 67-hadovaha Leanarda Masłoŭskaha, jaki źnik bolš za sutki da hetaha. Ale akazałasia, što paratunku mužčyna nie čakaŭ i admysłova ad jaho chavaŭsia, paviedamlaje Kraj.by.
Pažyły mužčyna ranicaj 7 červienia vyjšaŭ z doma sumiesnaha pražyvańnia Terytaryjalnaha centra sacyjalnaha absłuhoŭvańnia nasielnictva «Ciopły dom» u Łyłojciach, u jakim znachodziŭsia ź listapada 2022 hoda.
Pošuki Leanarda Masłoŭskaha viali ratavalniki rajonnaha adździeła nadzvyčajnych situacyj, a kala 20:00 da ich dałučylisia vosiem vałancioraŭ pošukava-vyratavalnaha atrada «Anioł. Paŭnočny zachad».
Usiu noč da 4 hadzin ranicy jany pračesvali navakolli Łyłojciaŭ — abśledavali lesapałosy, mielijaracyjnyja kanały, voziera pa pierymietry i zakinutyja budynki. I tolki dniom, niedzie apoŭdni, supracoŭniki RANS znajšli piensijaniera ŭ lesie prykładna za kiłamietr ad ahraharadka.
«My pračesvali toje miesca, dzie mužčynu siońnia znajšli ratavalniki. Jon vidavočna razumieŭ, što jaho šukajuć, i nie chacieŭ, kab znajšli. Dumaju, što Masłoŭski śpiecyjalna nie adhukaŭsia na kryki, chavaŭsia ŭ lesie», — skazaŭ vydańniu kaardynatar vałanciorskaha atrada.
Paśla taho, jak piensijaniera znajšli, jaho ahledzieli miedyki, ale ŭ ich dapamozie jon patreby nie mieŭ.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary