На бахмуцкім напрамку ўкраінскія сілы прасунуліся сёння на 1200 метраў
Сілы абароны Украіны спрабуюць максімальна выбіць баявы патэнцыял ворага: раней рабілі гэта з групай «Вагнер», а цяпер — з мотастралковымі і паветрана-дэсантнымі падраздзяленнямі Расіі.
«Скарыстаўшыся тым, што вораг праводзіць ратацыйныя мерапрыемствы і што тыя падраздзяленні, якія заходзяць, яшчэ не да канца ведаюць мясцовасць, не правялі адпаведнай рэкагнасцыроўкі і зладжвання, мы нанеслі ўдары і ўжо некалькі дзён праводзім штурмавыя дзеянні. За папярэднія суткі нашы падраздзяленні на некаторых участках прасунуліся агулам да 1 200 метраў. Гэта ўсё мы праводзім у рамках абарончай аперацыі, якая ўжо шмат месяцаў працягваецца», — заявіў прэс-сакратар Усходняй групоўкі войскаў Сяргей Чараваты.
Ён сказаў, што сілы абароны Украіны спрабуюць максімальна выбіць баявы патэнцыял ворага: раней рабілі гэта з групай «Вагнер», а цяпер — з мотастралковымі і паветрана-дэсантнымі падраздзяленнямі Расіі.
Расіяне супраціўляюцца, спрабуюць накрыць артылерыйскім агнём украінскія падраздзяленні: за гэтыя суткі на бахмуцкім напрамку 368 разоў нанеслі ўдары ствольнай і рэактыўнай артылерыяй па пазіцыях УСУ, было 15 боесутыкненняў і 5 авіяналётаў. У той жа час там было забіта 120 акупантаў, 163 параненыя, 11 трапілі ў палон, дадаў Чараваты.
-
Баявы дрон, які ў канцы ліпеня праляцеў над Вільняй, запускаўся з Беларусі?
-
Расіяніну Данілу Багрову далі дзевяць гадоў калоніі па справе аб спробе ваяваць за Украіну
-
ГУР узяў адказнасць за выбухі пад Уладзівастокам: называюць гэта помстай вайскоўцам РФ, якія ўдзельнічалі ў забойствах палонных украінцаў
Цяпер чытаюць
Да «Дня народнага адзінства» памілавалі 25 чалавек4
Каментары