Віцэ-прэм'ер Польшчы гаварыў у Бруселі пра супольны еўрапейскі план па падтрымцы беларускай мовы і культуры
Рэжым Аляксандра Лукашэнкі знішчае беларускую мову і культуру, заявіў на пасяджэнні Рады ЕС па пытаннях адукацыі, моладзі, культуры і спорту ў Бруселі віцэ-прэм’ер Польшчы, міністр культуры і нацыянальнай спадчыны Пётр Глінскі, паведамляе Польскае радыё. Польскі чыноўнік заклікаў да падтрымкі беларускасці з боку Еўрасаюза.
Пётр Глінскі спаслаўся на паведамленні беларускіх арганізацый, якія дзейнічаюць у Польшчы, і якія прасілі польскія ўлады прыцягнуць увагу да гэтай праблемы і на форуме Еўрасаюза.
Польскі віцэ-прэм’ер звярнуў увагу на тое, што беларуская мова ў Беларусі выцясняецца з грамадскай прасторы, з навучальных устаноў, рэжымам Лукашэнкі забараняюцца няўрадавыя арганізацыі, якія прапагандуюць мову і культуру:
«Лукашэнкаўскі рэжым імкнецца замяніць беларускую мову і беларускую культуру расійскай культурай. Таму абмяжоўваецца навучанне беларускай мове, выдаванне беларускіх кніжак, беларускія медыя. Адзіным беларускім тэлебачаннем з'яўляецца «Белсат». Усё гэта вельмі трывожыць».
У сувязі з гэтым Польшча лічыць неабходным распрацаваць супольны еўрапейскі план дзеянняў для падтрымкі намаганняў па абароне беларускай мовы і культуры.
Анджэй Дуда пракаментаваў сітуацыю з аэрастатам над тэрыторыяй Польшчы, а лукашысты правялі інфармацыйную атаку на польскага міністра абароны
Польшча дабіваецца, каб у новы санкцыйны пакет ЕС уключылі забарону на рэгістрацыю транспартных фірмаў з Беларусі і Расіі
Польшча адмяняе забарону на чыгуначнае злучэнне з Беларуссю
Цяпер чытаюць
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1313
Каментары