Рассельгаснагляд пры правядзенні лабараторнага маніторынгу прадукцыі, якая паступае ў Расію, выявіў у сырах беларускай вытворчасці ялавічныя тлушчы.
Сцвярджаецца, што ў паўцвёрдым вэнджаным сыры ААТ «Тураўскі малочны камбінат» 26,3% малочнага тлушчу былі замешчаныя ялавічным; у мяккім сметанковым сыры ялавічным тлушчам фальсіфікавана 29,1% малочнага.
У паўцвёрдым сыры цэха па вытворчасці сыроў ААТ «Бабушкіна крынка» 30% малочнага тлушчу заменена ялавічным.
Пры гэтым прадукцыя суправаджалася дэкларацыямі аб адпаведнасці і ветэрынарнымі суправаджальнымі дакументамі, выдадзенымі кампетэнтным органам Беларусі. У сувязі з тым, што выкарыстанне жывёльных тлушчаў пры вытворчасці сыроў недапушчальная, Рассельгаснагляд звярнуўся да Дэпартамента ветэрынарнага і харчовага нагляду Беларусі з просьбай прыпыніць з 12 красавіка 2023 года сертыфікацыю прадукцыі названых прадпрыемстваў у адрас расійскіх атрымальнікаў і правесці вычарпальнае расследаванне па ўстанаўленні прычын.
Цяпер чытаюць
Пісьменніца Таццяна Заміроўская расказала пра новую кнігу, сны пра Лукашэнку, кошт жыцця ў Нью-Ёрку і тое, чаму злуе на некаторых беларусаў10
Каментары