На працоўным месцы затрыманы гомельскі музыка, заснавальнік і лідар гурта Krumkač Арцём Раманаў. Цяпер ён знаходзіцца ў РАУС Чыгуначнага раёна Гомеля, паведамляе «Штодзень» са спасылкай на прамоўтара і валанцёра Ілью Міронава.
Аб прычынах затрымання музыкі на гэты момант нічога не вядома. Судовае пасяджэнне па адміністрацыйным правапарушэнні адбудзецца 7 красавіка.
Гурт Krumkač з Гомеля быў заснаваны ў пачатку 2018 года. 14 верасня 2018 года выйшаў яго дэбютны альбом Honar i Kroŭ.
2 снежня 2018 года гурт упершыню выступіў у межах «Крывійскага гіга». Там жа быў прадстаўлены сінгл Kryŭja, які запісалі пазней. У лістападзе 2019 года ў гурта выйшаў другі альбом — Kryvijskaja Dyvizija, у які ўвайшлі два папярэднія сінглы таго года (Kryŭja, Naš Šliach).
Каментары