Паводле паведамленняў партугальскіх медыя, вядомая брытанская спявачка Боні Тайлер пасля тэрміновай аперацыі на кішэчніку знаходзіцца ў стане штучнай комы.
Паведамляецца, што 74‑гадовай артыстцы стала дрэнна яшчэ 30 красавіка ў Партугаліі, дзе яна жыве частку часу. У яе пачаліся моцныя болі ў жываце, пасля чаго спявачку шпіталізавалі ў бальніцу горада Фару і правялі аперацыю.
Напярэдадні менеджар Тайлер казаў, што аперацыя прайшла паспяхова, аднак цяпер дактары пакуль не даюць прагнозаў адносна яе стану. Таксама невядома, што будзе з канцэртамі, якія былі запланаваныя на май і чэрвень у розных краінах Еўропы.
Раней у 2025 годзе спявачка ўжо перанесла аперацыю на калене, з-за чаго была вымушаная часткова змяніць гастрольны графік. Тады яна казала, што працягвае выступаць і падтрымлівае форму з дапамогай хатніх заняткаў пілатэсам.
Боні Тайлер, сапраўднае імя якой Гейнар Хопкінс, нарадзілася ва Уэльсе і стала сусветна вядомай у 1970— 1980‑х гадах. Найбольшую славу ёй прынесла песня Total Eclipse of the Heart. Таксама шырока вядомыя яе хіты Holding Out for a Hero і It’s a Heartache.
У 2013 годзе яна прадстаўляла Вялікабрытанію на «Еўрабачанні», а ў 2023 годзе атрымала званне кавалера Ордэна Брытанскай імперыі.
«Мы не пара»: Патап і Насця Каменскіх абвясцілі пра разрыў
У Мінск прыедзе нідэрландская зорка 2010-х. Вы дакладна чулі яе хіты This Is Love і Policeman
На канцэрт украінкі Мары Краймбрэры прадалі ўсю «Мінск-Арэну» — больш за 15 тысяч квіткоў
Тэйлар Свіфт дамагаецца прававой абароны фразы «Прывітанне, гэта Тэйлар Свіфт»
Цяпер чытаюць
Усіх студэнтак беларускіх ВНУ абавязалі тэрмінова запоўніць анкету з пазначэннем свайго росту37
Каментары