Выдавецтва Skaryna Press у супрацы з Беларускай бібліятэкай і музеем імя Францішка Скарыны ў Лондане выпускае факсіміле рукапіснага зборніка Ларысы Геніюш Spiritus flat ubi vult. Вершы 1945—1947, піша выданне Bellit.info.
Рукапіс, які ўласна і захоўваецца ў Лонданскім беларускім музеі, быў падрыхтаваны да друку цэлай камандай: укладальнікам Ігарам Івановым, рэдактаркай Янінай Лаўнік, моўнымі кансультанткамі Аленай Іваноўскай і Святланай Лясовіч, а таксама дызайнерам Сяргеем Шабохіным.
Упершыню вершы з гэтага рукапісу былі падрыхтаваныя да друку і выдадзеныя асобнай кнігай з прадмовай на англійскай мове прафесарам Арнольдам Макмілінам ў 1992 годзе.
Новае выданне суправаджае ўступнае слова Таццяны Астроўскай «Ларыса Геніюш і гісторыя беларускага самвыдаву», а таксама перадрук прадмовы Арнольда Макміліна да першага выдання 1992 году і прадмова Яніны Лаўнік да другога выдання з разгорнутым моўным каментаром.
Уступнае слова і прадмовы да абодвух выданняў друкуюцца на беларускай і англійскай мовах, пасля ідзе частка з расчытанымі і надрукаванымі вершамі, а пасля гэтага ўласна факсіміле рукапіснага зборніка паэткі.
Кніга неўзабаве будзе даступная для пакупкі, перадусім праз сайт выдавецтва «Скарына».
Пашпарты, дамовы, фота. Што з архіва Рады БНР перадалі Скарынаўскай бібліятэцы ў Лондане
Чатырнаццаць выдавецтваў, каля паўтысячы кніг… Заснавальнікі новай варшаўскай кнігарні Kamunikat.shop расказалі пра далейшыя планы
Генадзь Сагановіч напісаў новую кнігу. Гэтым разам не па старажытнай гісторыі
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне63
Каментары