Фізічныя практыкаванні больш эфектыўныя для псіхічнага здароўя, чым лекі
Даследаванне, апублікаванае ў British Journal of Sports Medicine, паказала, што фізічная актыўнасць вельмі карысная пры лячэнні дэпрэсіі, трывогі і стрэсу. Найбольшы эфект — у трэніровак высокай інтэнсіўнасці.
Агляд, апублікаваны ў лютым, — найбольш поўны па гэтай тэме на сёння. У 1039 выпрабаваннях узяло ўдзел больш за 128 тысяч чалавек. Яны павялічылі сваю фізічную актыўнасць на працягу не менш як 12 тыдняў. Сярод удзельнікаў былі здаровыя людзі, а таксама людзі з псіхічнымі расстройствамі і рознымі хранічнымі захворваннямі, расказвае Neurosciencenews.
Фізічная актыўнасць аказала больш моцны станоўчы ўплыў на дэпрэсію, трывогу і псіхалагічны стрэс, чым звычайнае лячэнне, ва ўсіх групах насельніцтва.
Даследчыкі высветлілі, што карысныя ўсе віды фізічнай актыўнасці і практыкаванняў, у тым ліку сілавыя трэніроўкі, пілатэс, ёга і такія аэробныя практыкаванні, як хада. Аднак кароткія высокаінтэнсіўныя трэніроўкі паказалі найбольшую эфектыўнасць для памяншэння сімптомаў псіхічнага расстройства.
«Мы адчуваем не толькі прыліў эндарфінаў пасля кароткіх цыклаў высокаінтэнсіўных практыкаванняў, але і моцнае пачуццё выкананага абавязку», — кажа ўладальнік фітнес-цэнтра All In One Strength and Conditioning у Таронта (Канада) Карл Чалоці. Гэтае пачуццё павышае ўпэўненасць у сабе і кідае выклік уяўленню чалавека пра тое, чаго ён можа дасягнуць.
З чаго пачаць? Чалоці раіць пачынаць з маленькіх крокаў — з тых, якія лёгка ўключыць у руціну і зрабіць паўсядзённымі. Гэта можа быць пяць ці дзесяць хвілін практыкаванняў. Паступова вы можаце павялічваць час.
Чалавек не павінен прымушаць сябе, бо гэта прывядзе да яшчэ большага стрэсу. Можна пачаць з практыкаванняў нізкай інтэнсіўнасці і з часам павялічваць нагрузку.
Эфектыўнасць фізічнай нагрузкі не сведчыць пра тое, што псіхалагічныя кансультацыі ці лекі не маюць значэння, аднак практыкаванні могуць быць адным з дадатковых — і вельмі істотным — фактарам у лячэнні. Па назіранні многіх лекараў, спалучэнне кансультавання / гутарковай тэрапіі і змены ладу жыцця працуе лепш за ўсё.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары