Краіна заклікала паважаць суверэнітэт усіх краін, спыніць баявыя дзеянні і аднавіць перамовы, а таксама адмовіцца ад санкцый. Вайну Кітай называе «ўкраінскім крызісам».
Кітай апублікаваў сваю пазіцыю па ўрэгуляванні ўкраінскага крызісу, дакумент размешчаны на сайце МЗС краіны.
У ім — 12 пунктаў:
— павага суверэнітэту ўсіх краін, захаванне міжнароднага права і Статута ААН;
— адмова ад менталітэту халоднай вайны і захаванне прынцыпу, што «бяспека адной краіны не павінна забяспечвацца за кошт іншых»;
— спыненне ваенных дзеянняў, пазбяганне эскалацыі і падтрымка руху Расіі і Украіны да дыялогу;
— аднаўленне мірных перамоў як «адзінага жыццяздольнага рашэння» канфлікту; Кітай гатовы іграць «у гэтым дачыненні канструктыўную ролю»;
— вырашэнне гуманітарнага крызісу, стварэнне гуманітарных калідораў для мірных жыхароў, павелічэнне гуманітарнай дапамогі, падтрымка ААН, як каардынатара дзейнасці ў гэтай галіне;
— абарона грамадзянскіх асоб і ваеннапалонных, у тым ліку стварэнне «спрыяльных умоў» для абменаў;
— гарантаванне бяспекі атамных электрастанцый;
— супрацьстаянне пагрозе прымянення ядзернай, хімічнай або біялагічнай зброі;
— садзейнічанне экспарту збожжа ў межах Чарнаморскай збожжавай ініцыятывы;
— спыненне аднабаковых санкцый, якія не вырашаюць бягучыя праблемы, а ствараюць новыя;
— падтрымка стабільнасці вытворчых ланцужкоў і ланцужкоў паставак, адмова ад выкарыстання сусветнай эканомікі ў палітычных мэтах;
— садзейнічанне постканфліктнаму аднаўленню; «Кітай гатовы аказаць дапамогу і адыграць канструктыўную ролю ў гэтым пачынанні».
Пры гэтым дакладных рэкамендацый, як, напрыклад, дасягнуць спынення агню няма. Усяго толькі паказваецца, што «ўсе бакі павінны падтрымаць Расію і Украіну ў працы ў адным кірунку і больш хуткім аднаўленні прамога дыялогу, каб паступова дээскалаваць сітуацыю і ў канчатковым выніку дасягнуць ўсёабдымнага спынення агню».
Цяпер чытаюць
Пасадзілі падпалкоўніка і былога выкладчыка Вайсковай акадэміі. Ён падтрымаў народ у 2020-м14
Пасадзілі падпалкоўніка і былога выкладчыка Вайсковай акадэміі. Ён падтрымаў народ у 2020-м
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ77
Каментары
Одна вода...