Міністр працы і сацыяльнай абароны Ірына Касцевіч у эфіры тэлеканала «Беларусь 1» распавяла, як будуць расці пенсіі грамадзян у 2023 годзе.
Запланавана некалькі павышэнняў пенсійных выплат, аднак іх памер будзе залежаць ад вынікаў, якія зможа прадэманстраваць эканоміка краіны, і перш за ўсё ад паказчыкаў сярэдніх заробкаў.
Паводле яе слоў, з закладзеных на 2023 год у бюджэт ФСАН 18,8 млрд рублёў на павелічэнне пенсій сыдзе прыкладна 2,5 млрд.
Міністр патлумачыла, што плануецца зрабіць тры індэксацыі пенсій у гэтым годзе — «калі атрымаецца».
Сярэдняя пенсія па ўзросце ў снежні 2022-га склала 670 рублёў: намінальныя выплаты за мінулы год павялічыліся на 23%, а вось у рэальным выражэнні (улічваючы ўплыў інфляцыі) — толькі на 9%.
Таксама кіраўнік Мінпрацы распавяла, што з кастрычніка 2022 года, калі ў нашай краіне з'явіўся механізм дадатковай назапашвальнай пенсіі, адпаведныя дагаворы заключылі 11 тысяч беларусаў — больш за ўсё ў сталіцы і Мінскай вобласці.
Самым папулярным варыянтам пакуль застаецца схема 3%+3% адлічэнняў работніка і наймальніка з працягласцю атрымання дадатковай пенсійнай надбаўкі ў 5 гадоў.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»5
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары