Ministr pracy i sacyjalnaj abarony Iryna Kaścievič u efiry telekanała «Biełaruś 1» raspaviała, jak buduć raści piensii hramadzian u 2023 hodzie.
Zapłanavana niekalki pavyšeńniaŭ piensijnych vypłat, adnak ich pamier budzie zaležać ad vynikaŭ, jakija zmoža prademanstravać ekanomika krainy, i pierš za ŭsio ad pakazčykaŭ siarednich zarobkaŭ.
Pavodle jaje słoŭ, z zakładzienych na 2023 hod u biudžet FSAN 18,8 młrd rubloŭ na pavieličeńnie piensij sydzie prykładna 2,5 młrd.
Ministr patłumačyła, što płanujecca zrabić try indeksacyi piensij u hetym hodzie — «kali atrymajecca».
Siaredniaja piensija pa ŭzroście ŭ śniežni 2022-ha skłała 670 rubloŭ: naminalnyja vypłaty za minuły hod pavialičylisia na 23%, a voś u realnym vyražeńni (uličvajučy ŭpłyŭ inflacyi) — tolki na 9%.
Taksama kiraŭnik Minpracy raspaviała, što z kastryčnika 2022 hoda, kali ŭ našaj krainie źjaviŭsia miechanizm dadatkovaj nazapašvalnaj piensii, adpaviednyja dahavory zaklučyli 11 tysiač biełarusaŭ — bolš za ŭsio ŭ stalicy i Minskaj vobłaści.
Samym papularnym varyjantam pakul zastajecca schiema 3%+3% adličeńniaŭ rabotnika i najmalnika z praciahłaściu atrymańnia dadatkovaj piensijnaj nadbaŭki ŭ 5 hadoŭ.
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES27
Kamientary