Лілія Ананіч патлумачыла, хто будзе прымаць канчатковае рашэнне і як будуць пазбаўляць грамадзянства
Абноўлены закон аб грамадзянстве ў першую чаргу накіраваны на «ўмацаванне нацыянальнай бяспекі дзяржавы», заявіла «Спутніку» намеснік старшыні камісіі па правах чалавека, нацадносінах і СМІ Палаты прадстаўнікоў Лілія Ананіч. Яна з'яўляецца распрацоўшчыкам гэтага праекта закона і менавіта яна прадстаўляла яго ў Авальнай зале.
Сёння закон быў апублікаваны на Нацыянальным прававым партале. Як паведамлялася, асноўныя яго артыкулы ўступаюць у сілу праз паўгода пасля апублікавання дакумента.
«Канчатковае рашэнне па пытанні пазбаўлення грамадзянства прымаецца Лукашэнкам», — патлумачыла Ананіч, адказваючы на пытанне аб тым, які прадугледжаны механізм страты беларускага грамадзянства для тых, хто з'ехаў з краіны.
Па яе словах, у абноўленым законе гаворка не ідзе пра тое, што грамадзянін, у дачыненні да якога ўступіў у законную сілу прыгавор суда, аўтаматычна пазбаўляецца грамадзянства. У краіне ёсць зацверджаны парадак як пазбаўлення грамадзянства, так і яго набыцця.
Намеснік кіраўніка парламенцкай камісіі нагадала, што ў законе ёсць пералік артыкулаў Крымінальнага кодэкса, якія прадугледжваюць крымінальную адказнасць за ўчыненне злачынства тэрарыстычнай і экстрэмісцкай накіраванасці, а таксама за злачынствы супраць інтарэсаў дзяржавы і нацыянальнай бяспекі.
«Пазбаўленне грамадзянства — гэта не пакаранне за здзейсненыя злачынствы, названыя ў законе. Пакаранне прадугледжвае рашэнне суда, якое ўступіла ў законную сілу. Само пазбаўленне грамадзянства — гэта не дадатковае пакаранне, гэта фактычнае пацвярджэнне страты сувязі грамадзяніна з дзяржавай», — сказала Ананіч.
Паводле яе, гэтая норма тычыцца чалавека, які знаходзіцца за межамі Беларусі і ў дачыненні да якога вынесены прысуд аб «учыненым злачынстве экстрэмісцкай накіраванасці».
Ананіч удакладніла, што першапачаткова пытанне аб пазбаўленні грамадзянства разглядае камісія па грамадзянстве, але канчатковае рашэнне прымае Лукашэнка.
«Грамадзянства — устойлівая прававая сувязь грамадзяніна і дзяржавы, якая прадугледжвае правы, абавязкі і адказнасць. І людзі, якія апынуліся за мяжой па сваёй волі, прынеслі цяжкую шкоду нашай краіне і працягваюць ёй шкодзіць, павінны несці адказнасць за свае дзеянні», — падсумавала Ананіч.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2020
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі20
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары